Британската влада подгтовува закон за забрана на готвење живи јастози и школкарки. Владата би била подготвена да признае дека јастозите, раковите, октоподите, лигњите и другите безрбетници можат да „чувствуваат болка“, како дел од закон со кој животните би се признале како „свесни суштества“.
„Законот за благосостојба на животните“ моментално се гласа во Домот на лордовите, кој се однесува само на ‘рбетниците, но владата би била подготвена да воведе амандман што ќе ги вклучи цефалоподи и мекотели. Ова ефикасно би ја забранило практиката на готвење живи јастози, заменувајќи ја со методи на убивање што се сметаат за „похумани“, како што е електричното зашеметување.
Предлогот се појавува во новата стратегија објавена во понеделник и следи по одлуката на владата во 2022 година формално да ги признае декаподните ракови и цефалоподните мекотели како разумни суштества.
Во документот се вели дека постојат празнини во разбирањето како живите животни се движат низ синџирите на снабдување „од улов до убивање“, што го отежнува спречувањето на „непотребна болка или страдање“. За да се справи со ова, владата соопшти дека ќе објави упатства за хумани методи на убивање на декаподите, наведувајќи дека „варењето додека се живи не е прифатливо“. Предложените алтернативи вклучуваат замрзнување или електрично зашеметување.
Варење на живи јастози и ракови се користи со векови. Во Европа и Северна Америка во XVIII и XIX век, се сметало дека животните не чувствуваат болка. Во последните децении, практиката се соочи со растечки критики бидејќи научните докази покажаа дека декаподните ракови можат да доживеат болка и страдање.
„Раковите, јастозите трпат незамисливо страдање, вклучително и една од најстрашните форми на смрт: варење живи“, соопшти британската добротворна организација за заштита на животните „Crustacean Compassion“, додавајќи дека животните можат да доживеат интензивна болка до три минути пред да умрат. Групата долго време апелираше до владата да го прекине она што го опишува како „варварска“ практика.
Индустриските групи предупредија дека комерцијалните притисоци ќе го обликуваат начинот на кој ќе се спроведуваат какви било промени. „Ако некој сака да купи жив рак или јастог, нема да плати за тоа ако веќе е мртов“, изјави за „Дејли меил“ Здружението на школки на Велика Британија, велејќи дека постои силен поттик низ целиот синџир на снабдување за минимизирање на стресот со цел да се зачува квалитетот и да се обезбедат повисоки цени. Сепак, предупреди дека цената на хуманата опрема за зашеметување, околу 4.700 долари, може да ги одврати рестораните и хотелите, принудувајќи ги да увезуваат замрзната морска храна од странство.
Слични новости
„Аватар: Огин и пепел“ на премиерата во петокот заработи 36 милиони во САД и над 100 милиони глобално
Долго очекуваниот научно-фантастичен блокбастер на Џејмс Камерон : „Аватар: Огин и пепел“ во петокот заработи 36 милиони долари, а проекциите се дека до крајот на викендот ќе заработи меѓу 85 и 95 милиони долари во САД.
Речиси сите Швајцарци носат очила или контактни леќи
Процентот на населението во Швајцарија на кое му се потрибни оптички помагала изнесува високи 81 насто, се наведува во студијата на Оптикшвајц, пренесуваат швајцарските медиуми.
Светска премиера на „Аватар: Огин и пепел“
Долгоочекуваниот блокбастер на Џејмс Камерон „Аватар: Огин и пепел“ во четвртокот заработи 12 милиони долари на американскиот Бокс Офис, но се предвидува до недела да ја надмине бројката од 100 милиони долари заработка во САД.