Велика Британија мора да разговара со сириските лидери за да се осигура дека „она што следува е подобро“, рече британскиот премиер Кир Стармер по средбата на британските претставници со исламситичката бунтовничка група која ја презеде власта во земјата.
Висок конзервативец изјави дека британскиот дипломатски контакт со забранетата сириска бунтовничка група Хајат Тахрир ал-Шам (HTS), поранешно крило на глобалната џихдистичка терористичка мрежа Ал Каеда, ризикува да ѝ даде легитимитет на организацијата во Сирија по падот на претседателот Башар ал-Асад.
Високи британски функционери претходно оваа седмица во сирискиот главен град Дамаск
се состанале со водачот на HTS, Ахмад ал Шара – попознат како Мохамед ал-Џолани кој сѐ уште фигурира на американската листа најбарани лица со распишана награда од 10 милиони долари.
Стармер рече дека ситуацијата во Сирија „брзо се менува“, но дека падот на Асад е „добра работа“. Сепак, тој предупреди да не се направи грешка да се „мисли дека она што следи ќе биде нужно поинакво и подобро“, одговарајќи на прашања од пратениците во британскиот Парламент.
„Нема да навлегувам во детали, но овие разговори мора да се одржат за да се осигураме дека, ако е можно, ќе имаме режим кој е во согласност со меѓународното право и кој ги штити правата на цивилите и малцинствата. Ова може да биде вистинска пресвртница за Сирија “, рече Стармер.
Слични новости
ОН изразија поддршка за хуманитарните цели на новата сириска влада
Потсекретарот за хуманитарни прашања и координаторот за итни случаи на Обединетите нации (ОН), Том Флечер во понеделникот се сретна со командантот на новата сириска влада Ахмад ал-Шар и новоименуваниот премиер Мохамед ал-Башир, на разговори за зголемување на хуманитарната помош за земјата
Израелски тим во Доха преговара за можен прекин на огнот во Газа
Преговорите во моментов се фокусирани на надминување на разликите меѓу Хамас и Израел според предложениот договор на американскиот претседател Џо Бајден
Калас: ЕУ треба да ги ублажи санкциите по „позитивните чекори“ на сириските власти
Европската унија треба да ги ублажи санкциите кон Сирија доколку новото водство на земјата преземе „позитивни чекори“ за формирање инклузивна влада која ги почитува правата на жените и малцинствата, рече еврокомесарката за надворешни работи, Каја Калас