Германските судови примија значително повеќе барања од компании за поведување стечајна постапка во септември, покажаа прелиминарните податоци од Федералниот завод за статистика во понеделникот.
Бројот на барања беше за 10,4 отсто поголем во септември отколку во истиот месец минатата година, објави Destatis, забележувајќи дека пресметката ги вклучува само барањата за кои стечајниот суд веќе донел прва пресуда. Во август, нивниот број беше големен за 11,6 отсто на годишно ниво.
Компаниите обично поднесуваат барање околу три месеца пред пресудата, а во јули, според конечните резултати, судовите регистрирале 2.197 стечаи на правни лица, што е за 13,4 отсто повеќе отколку во истиот месец минатата година.
Вкупната вредност на побарувањата на доверителите изнесуваше 3,7 милијарди евра во јули, во споредба со 3,2 милијарди евра во јули 2024 година, а компаниите во секторот за транспорт и складирање се во особено тешка позиција, според податоците за побарувањата.
Неколку кредитни агенции очекуваат бројот стечаи и банкроти во Германија во 2025 година да биде поголем од минатата година.
Во целата 2024 година, судовите регистрирале вкупно 21.812 барања, според статистичкиот завод, што е за дури 22,4 отсто повеќе отколку претходната 2023 година и најмногу од 2015 година.
Аналитичарите забележуваат дека бранот банкроти бил очекуван бидејќи државата ја суспендирала поддршката поради пандемијата на коронавирусот. Високите цени на енергијата, бирократијата и политичката неизвесност, исто така, влијаеле врз компаниите во текот на две последователни години рецесија во најголемата европска економија, забележува новинската агенција dpa.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица