Бразилскиот претседател, 79-годишниот Луис Инасио Лула да Силва ќе биде подвргнат на нова операција на главата, чија цел е „да го намали ризикот“ од ново крварење во близина на мозокот, објави болницата во која е згрижен.
На бразилскиот претседател му беше извршена итна операција во вторникот, откако магнетната резонанца откри крварење во неговиот мозок, изјави за новинарите во средата докторот на Лула, Роберто Калил Фиљо.
Лекарите го оперирале Лула околу два часа за да го исцедат крварењето меѓу неговиот мозок и менингеалната мембрана, за кое лекарите рекоа дека е поврзано со падот во неговиот дом кон крајот на октомври.
Лекарот на Лула објави дека претседателот се чувствува добро и расположен, но неколку часа подоцна болницата објави дека на претседателот ќе му биде извршена „интервенција со низок ризик“.
„Во рамки на терапевтската програма во четврток наутро ќе биде извршена дополнителна операција со ендоваскуларна интервенција“, се вели во болничкиот билтен.
Докторот Калили Фиљо на брифинг со новинарите во болницата објасни дека оваа интервенција, која се проценува дека ќе трае еден час, е „веќе планирана“ и има цел „да го намали ризикот од идно крварење“.
Шефот на државата сѐ уште е „на интензивна нега“, но „имал добар ден, направил физиотерапија и имал посети од членовите на семејството“, прецизираат од болницата, додавајќи дека Лула ќе остане во болница до следната седмица.
Лекарите рекоа и дека нема повреди на мозокот или некакви невролошки компликации.
Слични новости
Шара повикува на мир, повеќе од илјада убиени во алавитскиот регион во Сирија
Сирискиот исламистички лидер Ахмед Шара повика на смиреност во неделата, откако повеќе од 1.000 луѓе, главно цивили, беа убиени во крајбрежните области во најголемото насилство по соборувањето на претедателот на Башар ал-Асад последните денови, според Сириската опсерваторија за човекови права (SOHR), со седиште во Лондон
Париз, Берлин, Рим и Лондон го поддржуваат арапскиот план за обновување на Газа
Министрите за надворешни работи на Франција, Германија, Италија и Велика Британија во заедничко соопштение изјавија дека го поддржуваат арапскиот план за обнова на Појасот Газа, кој ќе чини 53 милијарди долари и ќе го избегне иселувањето на Палестинците од енклавата, како што е предложено со планот на американскиот претседател Доналд Трамп
Муслиманските земји го отфрлија повикот на Трамп Палестинците да се раселат од Газа
Од собирот е испратена поддршка на планот за обнова на Газа што ја предложи Египет, а кој го поддржаа арапските земји, вклучувајќи ги Саудиска Арабија и Јордан, со цел да му се спротивстават на повикот на Трамп.