Поранешниот советник за национална безбедност Џон Болтон изјави дека со доаѓањето на Доналд Трамп на власт би може да се обнови и идејата за размена на територии меѓу Белград и Приштина.
За можноста за размена на територии се зборуваше многу за време на претходниот мандат на Трамп, а Болтон вели дека таа идеја потекнува од поранешниот британски премиер Тони Блер.
„Разговарав по ова прашање со претседателот на Србија Александар Вучиќ и тогашниот косовски премиер Хашим Тачи. Мислев дека е во интерес на Балканот да се изнајдат решенија за недовршените конфликти“, изјави Болтон.
Тој рече дека за размена на територии ќе биде потребна подготвеност на Белград и Приштина, но смета дека такво решение би претставувало голема опасност за другите земји во регионот.
„Не може да се очекува само од САД да ги реши проблемите. Прашањето е дали Србија и Косово се доволно определени да ги надминат взаемните проблеми“ порача Болтон.
Слични новости
Главчев: Бугарија го поддржува приемот на Западниот Балкан во ЕУ доколку се исполнат поставените услови
Конкретно кога станува збор за Северна Македонија, го имаме т.н. компромис од 2022 година, направен од наша страна. Тој е веќе европски (услов), потпишан од сите држави членки на Европската унија, вклучително и од Бугарија како земја членка, плус од Северна Македонија и нема за што да преговараме. Нашата позиција е непроменета, рече Главчев.
Калас: Сакаме да видиме напредок во процесот на проширување на ЕУ
Западниот Балкан е многу важен за Европската Унија, бидејќи тој географски и припаѓа на Европа и затоа е многу важно да ги унапредиме нашите односи, порача високата претставничка на ЕУ за надворешни работи и безбедносна политика Каја Калас при пристигнувањето на Самитот ЕУ-Западен Балкан во Брисел
Кошта: За сите нас проширувањето на ЕУ е приоритет и сме посветени на тоа
Бидејќи припаѓаме на исто европско семејство, делиме континент и што е најважно, заеднички вредности и заедничка историја. Второ, затоа што проширувањето е приоритет за сите нас. Ние веќе сме посветени на проширувањето и сите веруваме дека проширувањето е најважната геополитичка инвестиција во мирот, безбедноста и просперитетот, истакна Кошта.