Поранешниот бразилски претседател Жаир Болсонаро изјави во неделата дека лековите што ги земал предизвикале да стане „параноичен“ поради која ја злоупотребил електронската алка на ногата, според документ до кој дошол Reuters, ден откако федералната полиција го приведе поради потенцијален ризик од бегство.
Адвокатите веднаш побараа Болсонаро да ја отслужи целата казна во домашен притвор со електронски надзор поради наводни здравствени проблеми и потреба од редовна терапија.
Во саботата судијата на Врховниот суд, Александре де Мораеш, нареди поранешниот десничарски претседател да биде приведен пред планираниот собир на неговите поддржувачи пред неговиот дом, што, според судијата, може да го загрози полицискиот надзор врз домашниот притвор на Болсонаро.
Во полицискиот извештај, исто така, се вели дека електронската ачка на Болсонаро била оштетена.
На сослушувањето по неговото апсење и притворање, Болсонаро негираше дека имал намера да избега од домашен притвор или да го отстрани електронскиот надзор, се наведува во полицискиот извештај, и се додава дека рекол оти доживеал „халуцинација“ што го навела да верува дека има жица во уредот за надзор.
Судијата што го надгледуваше сослушувањето пресуди дека тој треба да остане во полициски притвор бидејќи за време на апсењето на поранешниот претседател биле почитувани сите законски правила.
Слични новости
Зеленски го отстрани Јермак и од Советот за национална безбедност и од врховната команда
Украинскиот претседател Володимир Зеленски го разреши својот поранешен шеф на кабинетот, Андриј Јермак, од Советот за национална безбедност, во екот на обемната истрага за корупција што го потресе Киев
Оштетени депо и вагони во близина на Киев во напад со руски беспилотни летала
Железничко депо и неколку вагони во близина на Киев беа оштетени во голем руски напад со беспилотни летала и ракети, соопшти украинската државна железничка компанија „Укрзализниција“ во саботата
САД: Укината препораката за вакцинирање на повеќето деца против хепатитис Б
Советниците за вакцини во САД во петокот ја укинаа долгогодишната препорака сите деца во САД да ја примат вакцината против хепатитис Б при раѓање, што претставува голема победа за министерот за здравство и човечки услуги Роберт Ф. Кенеди Џуниор, но експертите за болести стравуваат дека тоа ќе ги поткопа децениите напредок во јавното здравство