Болоња ќе игра во финалето на италијанскиот Суперкуп во саудиски Ријад, првпат во својата клупска историја.
Во полуфиналето во петокот вечерта Болоња го победи Интер со вкупен резултат 4:3 по изведувањето на пенали. По 90 минути, Болоња и Интер одиграа нерешено 1:1. Во финалето во понеделник, Болоња ќе игра против Наполи, кој го победи Милан со 2:0 во четвртокот.
Интер поведе во втората минута преку францускиот напаѓач Турам. Болоња се врати во мечот од раниот шок, а Орсолини реализираше пенал во 35. минута за израмнување на 1:1.
Двата тима имаа бројни шанси во второто полувреме, но ова беше вечер во која голманите, Равалја на голот на Болоња и Мартинез на спротивната страна, беа исклучително инспирирани. Одлуката беше донесена во изведувањето на пеналите, при што само Мартинез и Де Вриј постигнаа голови за Интер. Равалја ги одбрани удари на Бастони и Бони, додека Барела шутираше над голот.
За Болоња, Никола Моро и Миранда промашија од белата точка, а клучниот гол за финалето го постигна легендарниот поранешен италијански репрезентативец Чиро Имобиле.
Слични новости
Борусија Д подобра од Борусија М
Во првиот натпревар од 15-то коло од германската Бундеслига, фудбалерите на Борусија Дортмунд, на домашен терен го победија истоимениот тим од Менхенгладбах со 2:0
Вавринка ја завршува кариерата на крајот на 2026.
Станислас Стан Вавринка, 40-годишниот швајцарски тенисер, објави дека следната година ќе биде неговата последна во големата кариера
Коубек нов чешки селектор
Чешката фудбалска асоцијација во петокот објави дека Мирослав Коубек е назначен за селектор на Чешка, која ќе игра во квалификациите за Светското првенство 2026 во март