Планираниот божикен џез концерт во Центарот Кенеди е откажан, а домаќинот на традиционалниот годишен концерт ја припишува одлуката на додавањето на името на републиканскиот претседател Доналд Трамп во институцијата во Вашингтон.
Управниот одбор на Центарот Кенеди, кој претседателот го пополни со сојузници за време на големото преземање претходно оваа година, минатата седмица одлучи да го додаде името на Трамп во институцијата, згрозувајќи ги демократите и покренувајќи прашања за легалноста на промената на името на институцијата што му оддаде почит на убиениот претседател.
Одборот гласаше за преименување на знаменитоста во Вашингтон во Меморијален центар за сценски уметности „Доналд Џ. Трамп и Џон Ф. Кенеди“, или скратено Центар „Трамп Кенеди“.
„Божикен џез џем (Откажан)“, објави веб-страницата на институцијата во среда вечерта. „Одлучив да го откажам нашиот божикен џез џем во Центарот Кенеди кога го видов менувањето на името минатиот петок“, рече домаќинот на концертот, музичарот Чак Ред.
Телевизијата CNN објави дека Ред, тапанар и вибрафонист кој е главен изведувач на концертот од 2006 година, моментално нема планови за презакажување на настапот.
Трамп сака да го остави својот печат во Вашингтон, а своето име на зградите. Неговите критичари велат дека тој се обидел да ги компромитира традиционалните американски институции со инсталирање лојални луѓе и заканување со финансирањето.
Трамп тврди дека се бори против она што го нарекува либерална пристрасност на тие институции. Трамп ги отпушти членовите на одборот назначени од тогашниот претседател Џо Бајден, ја презеде функцијата претседател и го постави Ричард Гренел, долгогодишен сојузник и поранешен амбасадор во Германија, за претседател на центарот.
Слични новости
Британија подготви закон за забрана на готвење живи јастози и ракови
Британската влада подгтовува закон за забрана на готвење живи јастози и школкарки. Владата би била подготвена да признае дека јастозите, раковите, октоподите, лигњите и другите безрбетници можат да „чувствуваат болка“, како дел од закон со кој животните би се признале како „свесни суштества“
Почина Крис Рија, авторот на божикниот хит „Driving Home for Christmas“
Англискиот музичар Крис Рија, веројатно најпознат на пошироката јавност по божикниот хит „Driving Home for Christmas“, почина во понеделникот на 74-годишна возраст
Актерот Џејмс Рансон извршил самоубиство
Американскиот актер Џејмс Рансон, познат по улогата на Зиги Соботка, пристаништен работник кој станува гангстер во серијата „Жицата“, почина на 46-годишна возраст, соопштија властите во сојузната држава Калифорнија