Четириесет итридневното „затворање’ на федералната влада нанесе траен удар од 11 милијарди долари на американската економија, изјави министерот за финансии Скот Бесент, но изрази оптимизам за следната година бидејќи каматните стапки и даноците се намалуваат.
Делови од американската економија чувствителни на каматните стапки, вклучително и домувањето, беа во рецесија, изјави Бесент во неделата во емисијата „Meet the Press“ на NBC News.
Сепак, економијата како целина не е загрозена од пад на активноста, додаде министерот.
Според него, секторот на услуги е виновен за инфлацијата, а не царините воведени од претседателот Доналд Трамп. Инфлацијата ќе биде ограничена со пониските цени на енергијата, предвидува американскиот министер за финансии.
„Многу сум оптимист за 2026 година. Создадовме темели за многу силна економија чиј раст нема да ја поттикнува инфлацијата“, рече Бесент.
Цените на енергијата паднаа во октомври, а продажбата на куќи се зголеми, рече министерот, додавајќи дека кабинетот продолжува да работи на ограничување на инфлацијата, која сега изнесува 3 отсто на годишно ниво.
Цените на енергијата се зголемија за 1,5 отсто во септември на месечна основа, двојно повеќе отколку на крајот од летото. На годишна основа, цените се зголемија за 2,8 отсто, откако речиси стагнираа претходниот месец. Бензините беа за 0,5 отсто поевтини од пред една година. Во август, нивните цени беа пониски за 6,6 отсто.
Министерството за труд ќе ги објави своите октомвриски бројки два месеца подоцна, заедно со својата ноемвриска проценка, бидејќи не ги собрало потребните податоци поради блокирањето на федералните агенции.
Промените во законот што ги ограничуваат даноците за прекувремена работа, ги намалуваат даноците на напојниците и социјалното осигурување за одредени групи граѓани и ги признаваат авто-кредитите како даночно олеснување, ќе ги зголемат реалните приходи за вработените Американци и ќе ги ублажат повисоките трошоци, рече Бесент.
Даночните обврзници можат да очекуваат да добијат значителен поврат на федерален данок во првиот квартал од 2026 година поради промените во даночните стапки, додаде министерот.
Администрацијата на претседателот Доналд Трамп, исто така, планира оваа седмица да објави мерки за намалување на трошоците за здравствената заштита, рече Бесент, повторувајќи слични изјави дадени минатата седмица од висок функционер на Белата куќа. Бесент, притоа, не даде детали.
Економскиот раст, исто така, ќе биде поттикна и од низата трговски договори, додаде министерот, предвидувајќи отворање нови фабрики.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година