Руските сили извеле напад во окупираниот руски градот Суџа во неделата, откако специјалните сили искористиле гасовод за да ги изненадат украинските единици како дел од големата офанзива за протерување на украинските војници од западниот руски регион Курск, пренесува Reuters повикувајќи се на објави на проруските воени блогери.
Украинските воени власти подоцна објавија дека руската војска се обидела да го заземе градот Суџа, со население околу пет илјади, контролиран од силите на Киев, во западниот руски регион Курск со испраќање војници преку гасовод, но тврдеа дека руските сили биле „навреме откриени“ од тим за воздушно извидување и биле одбиени со помош на проектили, артилерија и беспилотни летала.
Илјадници украински војници зазедоа околу 1.300 квадратни километри од руската област Курск во август минатата година во, како што рече Киев, обид да се добие моќна позиција во евентуалните идни разговори и да се принуди Русија да ги премести своите воени сили од источна Украина кои од ланската пролет бавно но континуирано напредуваа на фронтот во југоисточна Украина, потсетува dpa.
Јуриј Подољака, проруски воен блогер роден во Украина кој западните медиуми го сметаат за доста релевантен и објективен, наведува дека руските специјални сили пешачеле околу 15 километри по главниот гасовод и дека некои поминале неколку дена во цевководот пред да ги изненадат украинските сили одзади во близина на Суџа.
Главните мерни објекти на гасоводот што го транспортираше рускиот природен гас до украинскиот систем за транспорт на гас за натамошен транспорт во Европа беа изградени во во Суџа.
Прорускиот воен блогер Two Majors наведува дека во тек е голема битка за Суџа и дека руските сили ги изненадиле украинските војници со тоа што влегле во градот преку магистралниот гасовод.
Руските канали на Telegram покажаа снимки од специјални сили со гас-маски и со светла, покрај она што изгледа како голема цевка.
„Борбите продолжија во текот на ноќта во Суџа. Борбите не престануваат“, пишува Подољака.
Друг воен блогер, Јуриј Котенок, пишува дека украинските сили ја преместуваат опремата од Судџа кон границата.
„Во моментов нашите единици го напаѓаат североисточниот дел на Суџа и се борат во реонот на улицата Ломоносов и индустриската зона Суџа“, рече Котенок.
Украинскиот упад во Курск минатиот август беше најсериозниот напад на руска територија од нацистичката инвазија на Советскиот Сојуз во 1941 година. Последните седмици и месеци, руските сили ги потиснаа украинските сили во Курск, ставајќи десетици илјади украински војници во ризик од опкружување.
Притоа, руското Министерство за одбрана тврди дека украинските сили, кои беа едни од најобучените и најдобро вооружеи, во Курск од ланскиот септември загубиле најмалку 70.000 војници и повеќе стотици тешки оклопни борбени возила, вклучително и тенкови од западно производство.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство