Ситуацијата на Блискиот Исток е на работ на целосна војна по потврдата дека иранскиот врховен водач, Ајатолахот Али Хамнеи, кој бил убиен во заеднички воени напади на САД и Израел.
Израелските одбранбени сили утрово извршија нов бран воздушни напади врз главниот град Техеран. Сведоци известуваат за силни експлозии и чад над градот, додека израелскиот премиер Бенјамин Нетанјаху вети дека нападите ќе се интензивираат во наредните денови.
Иранските сили одговорија со лансирање стотици ракети и беспилотни летала кон Израел и американските бази во регионот. Пријавени се жртви меѓу американските војници (најмалку тројца загинати) и цивилни жртви во израелскиот град Беит Шемеш.
По смртта на Хамнеи, формиран е привремен лидерски совет кој ќе управува со земјата до изборот на нов врховен водач.
Висок ирански функционер изјави дека Техеран во моментов одбива какви било преговори со Вашингтон. Аналитичарите сметаат дека убиството на врховниот лидер на Иран го блокира патот за преговори САД-Иран.
Сирени се слушнаа во Тел Авив и Ерусалим откако Иран возврати со ракети и напади со беспилотни летала врз Израел и други земји од Персискиот Залив по нападите на САД и Израел.
Додека Иран ги нападна американските бази во Бахреин и Обединетите Арапски Емирати, нападите погодија и надвор од воените инсталации, вклучувајќи хотел во емиратскиот град Дубаи и меѓународниот аеродром во Кувајт. Најмалку четири луѓе се убиени во нападите врз земјите од Персискиот Залив.. Смртоносен ирански ракетен напад уништи неколку блока во централниот израелски град Беит Шемеш.
Ракетата удри во синагога каде што жителите се засолнуваа во неделата, при што загинаа најмалку девет лица.
Слични новости
Преговои во целосна тајност: Москва, Киев и Вашингтон преговараат во Абу Даби зад затворени врати
Денеска во Абу Даби се одржува нова рунда од руско-украинските преговори со посредство на Вашингтон зад затворени врати, објавуваат руските медиуми. Извори во руската делегација изјавија дека новинарите не се повикани да ги следат разговорите и дека тие ќе се одржуваат во целосна тајност.
ОЈО оформи предмет за наводите за транспорт на мозоци од починати лица во САД
Јавното обвинителство оформи предмет со цел да ги испита сите индиции за евентуално постоење на елементи на кривично дело кое се гони по службена должнос
ЕК ќе го одложи „ЕЕС“ системот до септември поради ризик од летен хаос
Целосната имплементација на новиот биометриски систем за влез/излез на ЕУ е одложена до септември 2026 година поради можноста од создавање хаос на границите во летниот период.