Ситуацијата на Блискиот Исток е на работ на целосна војна по потврдата дека иранскиот врховен водач, Ајатолахот Али Хамнеи, кој бил убиен во заеднички воени напади на САД и Израел.
Израелските одбранбени сили утрово извршија нов бран воздушни напади врз главниот град Техеран. Сведоци известуваат за силни експлозии и чад над градот, додека израелскиот премиер Бенјамин Нетанјаху вети дека нападите ќе се интензивираат во наредните денови.
Иранските сили одговорија со лансирање стотици ракети и беспилотни летала кон Израел и американските бази во регионот. Пријавени се жртви меѓу американските војници (најмалку тројца загинати) и цивилни жртви во израелскиот град Беит Шемеш.
По смртта на Хамнеи, формиран е привремен лидерски совет кој ќе управува со земјата до изборот на нов врховен водач.
Висок ирански функционер изјави дека Техеран во моментов одбива какви било преговори со Вашингтон. Аналитичарите сметаат дека убиството на врховниот лидер на Иран го блокира патот за преговори САД-Иран.
Сирени се слушнаа во Тел Авив и Ерусалим откако Иран возврати со ракети и напади со беспилотни летала врз Израел и други земји од Персискиот Залив по нападите на САД и Израел.
Додека Иран ги нападна американските бази во Бахреин и Обединетите Арапски Емирати, нападите погодија и надвор од воените инсталации, вклучувајќи хотел во емиратскиот град Дубаи и меѓународниот аеродром во Кувајт. Најмалку четири луѓе се убиени во нападите врз земјите од Персискиот Залив.. Смртоносен ирански ракетен напад уништи неколку блока во централниот израелски град Беит Шемеш.
Ракетата удри во синагога каде што жителите се засолнуваа во неделата, при што загинаа најмалку девет лица.
Слични новости
Албанската влада ја укина забраната за Тикток
Албанската влада ја укина привремената забрана за Тикток, воведена пред единаесет месеци, според официјален документ на кабинетот на премиерот.
„Вашингтон пост“ отпушти повеќе од 300 новинари
Компанијата отпушти околу 30 отсто од сите свои вработени, вклучително и повеќе од 300 од околу 800 новинари во редакцијата.
Од разговорите за мир во Украина, засега само договор за размена на заробеници
Американскиот претседателски претставник Стив Виткоф изјави дека САД, Украина и Русија на разговорите во Абу Даби се согласиле да разменат 314 заробеници во „првата таква размена за пет месеци“.