Израелската полиција објави во понеделникот дека во рамките на истрагата за примање мито од Катар уапсени се две лица, од кои едното, како што потврди партијата Ликуд, е близок партиски соработник на премиерот Бенјамин Нетанјаху.
Израелските медиуми пишуваат дека станува збор за Јонатан Урих и Ели Фелдестејн, двајцата советници на премиерот кои наводно се поврзани со аферата која во Израел ја нарекуваат „Катаргејт“.
Во овој случај агенцијата за внатрешна безбедност Шин Бет ги сомничи лицата блиски на премиерот дека примале мито од Катар.
„По истрагата којашто ја спроведе Националната единици за меѓународни истраги (Јахбал) … денеска се уапсени двајца осомничени поради испитување“, објави полицијата во соопштение, прецизирајќи дека случајот е подложен на тајност на барање на правосудството.
Израелските медиуми, исто така, известуваат дека и еден новинар и еден деловен човек се повикани на распит во врска со овој случај. Неколку медиуми очекуваат дека полицијата ќе го испита и Нетанјаху како сведок.
Кабинетот на израелскиот премиер не одговорил на прашањето на агенцијата AFP за потврда на информацијата.
Катар, сунитска монархија во Персискиот залив која нема дипломатски односи со Израел и која долго бреме беше засолниште за челниците на палестинското исламистичко движење Хамас, како доверлив регионален сојузник на САД посредува во преговорите за примирјето во Појасот Газа.
Во соопштението на владејачката партија Ликуд се наведува дека станува збор за „политички лов со цел да се собори десничарскиот премиер и спречување на смената на шефот на Шин Бет“.
Нетанјаху претходно во понеделникот именуваше нов челник на внатрешното разузнавање Шин Бет, а неговиот избор падна на поранешниот командант на морнарицата Ели Шарвит. Нетанјаху претходно на 20-ти март го смени Ронен Бар , но Врховниот суд издаде привремена збрана со којашто се суспендира неговото отпуштање бидејќи се проценува законитоста на потегот.
Несогласувањата меѓу Нетанјаху и Бар траат од ланскиот 7-ми октомври која палестинските исламистички групации извршија масовен и брутален напад во јужен Израел без преседан во историјата. Меѓутоа, некои израелски медиуми пишуваат дека одлуката на израелската влада уследила по повеќемесечните тензии меѓу Бар и Нетанјаху токму поради истрагата за корупција на помошник во кабинетот на премиерот.
Слични новости
Унгарија се повлекува од Меѓународниот кривичен суд
Унгарија во четвртокот го објави своето повлекување од Меѓународниот кривичен суд (МКС), на првиот ден од посетата на Будимпешта на израелскиот...
Царини на САД: Кина се заканува со контрамерки, Јапонија бара нивно повлекување
Официјален Пекинг се закани со противмерки во четвртокот, откако американскиот претседател Доналд Трамп ги објави новите царини за кинески стоки,...
ЕУ подготвува контрамерки на царините на Трамп
Претседателката на Европската комисија, Урсула фон дер Лајен изјави во четвртокот дека царините што што ги воведе американскиот претседател Доналд Трамп претствуваат голем удар за глобалната економија што ќе има далекусежни последици, велејќи дека Европската унија е подготвена да одговори со контрамерки доколку преговорите не успеа