Благ раст на европските и азиските берзи

На европските берзи се тргуваше претпазливо во четвртокот претпладнето, додека инвеститорите ги очекуваа одлуките од состанокот на челниците на Европската централна банка (ЕСВ) и се надеваа на дополнително намалување на каматните стапки.

Индексот STOXX 600 на водечките европски акции во претпладневниот предсек од тргувањето порасна за 0,2 отсто и достигна ново рекордно ниво. Лондонски FTSE индекс се намали за 0,06 отсто, на 8.555 поени, додека франкфуртски DAX порасна за 0,09 отсто, на 21.655 поени, а париски CAC за 0,31 отсто, на 7.897 поени.

Инвеститорите се фокусирани на средбата на лидерите на Европската централна банка, а се очекува дополнително намалување на каматните стапки за 0,25 процентни поени. Тоа би било петто намалување на каматните стапки откако централната банка на еврозоната почна да ја олабавува монетарната политика во јуни минатата година.

Цените на акциите пораснаа и на азиските берзи. Јапонскиот индекс Nikkei порасна за 0,25 отсто, додека цените на акциите во Австралија пораснаа за 0,6 отсто. Берзите во Кина, Хонгконг, Јужна Кореја и Тајван се затворени поради празниците.

Тргувањето на берзите во Јапонија и Австралија беше мирно бидејќи немаше значајни вести за насочување на пазарите. Инвеститорите не беа особено загрижени за вчерашниот пад на берзанските индекси на Волстрит, бидејќи тоа беше најмногу резултат на падот на цените на акциите во технолошкиот сектор.

Секторот е под притисок од понеделникот, кога успехот на апликацијата DeepSeek на кинеската компанија го потресе верувањето на инвеститорите дека САД го предводат патот во развојот на вештачката интелигенција.

globe

Слични новости

Цената на нафтата се одржува под 76 долари

Цената на нафтата се одржува под 76 долари

Цените на нафтата се стабилизираа во понеделникот на меѓународните пазари под 76 долари, откако САД и Мексико најавија разговори непосредно пред планираното воведување царини, намалувајќи ги стравувањата од прекини во снабдувањето