На Волстрит, берзанските индекси благо паднаа во четвртокот, по неизвесното тргување, бидејќи низа неодамнешни податоци укажуваат на забавување на економскиот раст на САД, додека инфлацијата може да се зголеми во наредните месеци.
Индексот Dow Jones падна за 0,03 отсто, на 41.953 поени, додека S&P 500 се лизна за 0,22 отсто, на 5.662 поени, а индексот Nasdaq за 0,33 отсто, на 17.691 поени.
На најголемата светска берза владее неизвесност, па вчера индексите балансираа на работ меѓу позитивната и негативната територија, за на самиот крај од тргувањето да завршат во негатива.
Ден претходно цените на акциите пораснаа, бидејќи челниците на американската централна банка останаа на оценката дека годинава ќе ги намалат каматните стапки двапати за по 0,25 процентни поени.
Сепак, овие намалувања би можеле да дојдат дури во втората половина од годината, бидејќи Fed вели дека имаат време да чекаат податоци за тоа како царинската војна, која Вашингтон ја води на повеќе фронтови, ќе влијае на инфлацијата и економскиот раст. Според проценките на Fed, се очекува забавување на економскиот раст и пораст на инфлацијата.
Поради ова, нема многу причини за купување акции, па се очекува неизвесно тргување и наредните денови.
Цените на акциите вчера паднаа и на европските берзи. Лондонскиот FTSE индекс се намали за 0,05 отсто, на 8.701 поен, додека франкфуртски DAX се лизна за 1,24 отсто, на 22.995 поени, а париски CAC за 0,95 отсто, на 8.094 поени.
Слични новости
Европските берзи во црвено
Европските берзи паднаа во петокот во претпладневното тргување предводени од падот на цените на акциите на авиокомпаниите, откако пожарот на лондонскиот аеродром Хитроу ги запре сите летови на еден од најпрометните аеродроми во светот
Азиските пазари на капитал под притисок поради американските царини
Азиските берзи остро паднаа во петокот поради зголемената загриженост за геополитичките тензии и влијанието на американските царини врз глобалната економија, што го намалува апетитот за ризик на инвеститорите, кои се свртуваат кон златото како безбедно засолниште за капиталот и го зајакнува доларот
Доларот расте бидејќи Fed нема да брза да ги намали каматните стапки
На девизните пазари американскиот долар порасна во однос на главните светски валути во петокот, ден откако го забележа најдоброто остварување во последните три седмици, бидејќи централната банка на САД сигнализираше дека нема да брза со намалување на каматните стапки