Младиот Емин Дувњак од Босна и Херцеговина, кој утрово загина во трагичен инцидент на граничниот премин Каменско, најпрвин ја поминал контролата на тој премин, но подоцна побегнал кон Хрватска.
Имено, 22-годишниот доставил документи до граничната полиција. Тие побарале дополнителна проверка, но младиот човек ги оставил документите и побегнал во Хрватска, пренесуваат хрватските медиуми.
На видеото кое е споделено на социјалните мрежи се слушаат два удари, од кои едниот е звукот на пробивањето на рампата, а на снимките од инцидентот се гледа дека полицајците побегнале кога сфатиле дека возачот нема намера да запре.
Ноќта меѓу петокот и саботата, околу 01:50 часот, на граничниот премин со лично возило се приближил маж, државјанин на Босна и Херцеговина, за кој полициските службеници при граничната контрола утврдиле дека не ги исполнува условите за влез во Хрватска. Полициските службеници му наредиле да го паркира возилото на излезната лента за да ја спроведе постапката за одбивање влез во Република Хрватска, по што мажот кој бил сам во возилото одбил да ја испочитува издадената наредба и со возилото побегнал од граница премин во правец на Република Хрватска“, го опишаа текот на настаните од сплитската полиција.
Полициски службеници се обиделе да го сопрат, издале наредба за запирање на возилото, што возачот го игнорирал и продолжил да вози во правец на Триље, а потоа и на Ловриќ.
„Полициските службеници со возила го следеле на безбедно растојание и се обиделе да го спречат, така што возачот во еден момент се вратил на граничниот премин Каменски каде возејќи со голема брзина ја пробил рампата на граничниот премин и продолжил со возење кон граничниот премин на Босна и Херцеговина“, соопшти ПУ на Сплит-Далмација.
Момчето удрило во полициската блокада на делницата Томиславград – Присоје и починало.
Слични новости
Во Хрватска бојкот на пекарниците и четврти бојкот на продавниците
На повик на платформата „Halo inspektore“, во петокот во Хрватска се одржува еднодневен бојкот на продавниците, кој овојпат, на повик на средношколците, вклучува и бојкот на пекарниците и сите пекарски производи на сите продажни места
Сијарто: Студентските протести се обид за дестабилизација на Србија
Гледам дека станува збор за дестабилизација на Србија и колку што разбирам тоа не се поттикнува само одвнатре, туку и однадвор изјави Сијарто во интервју за РТС.
Вучиќ од Бања Лука ги предупреди студентите дека нивните протести се платени од странство, Додик го поддржа
Српскиот претседател Александар Вучиќ во четвртокот предупреди дека студентските протести во неговата земја се всушност резултат на заговор поттикнат од странство, додека лидерот на босанските Срби, Милорад Додик, му даде безусловна поддршка, обвинувајќи ги студентите дека ја ослабуваат Србија