Бислимоски поднесе оставка од претседателската функција на РКЕ

Досегашниот претседател на Регулаторната комисија за енергетика си поднесе оставка. Тој утрово преку писмо го информирал претседателот на Собранието дека се повлекува од функцијата на која за првпат беше избран во јуни 2018 година.

Бислимоски во оставката не ги навел причините за повлекувањето.

Неодамна Управата за финансиска полиција му поднесе кривична пријава за злоупотреба на службената положба и овластување.

Во пријавата поднесена на 29 јануари се наведува дека Бислимоски не постапил според Законот за енергетика и не ја одзел навреме лиценцата на компанијата „Тритерол петрол“ ДООЕЛ Скопје, иако не ги исполнувала условите за трговија со нафта и горива.

Лиценцата наводно требало да биде одземена во јануари 2024 година, но постапката била прекината со незаконско решение и лиценцата е одземена дури во април 2025 година.

Тоа и овозможило на компанијата да работи уште околу 15 месеци и за тој период остварила промет од над 3,15 милиони евра и противправна имотна корист од околу 229 илјади евра.

Бислимоски тогаш на прес-конференција рече дека ќе им ги стави на располагање сите информации на надлежните институции, со цел да докаже дека во постапката за одземање на лиценцата на компанијата не било направено никакво прекршување на законската регулатива.

 

Слични новости

Макпетрол ќе продава поевтини бензини и дизел за два денара по литар од цената што ја соопшти РКЕ

Макпетрол ќе продава поевтини бензини и дизел за два денара по литар од цената што ја соопшти РКЕ

Малопродажните цени на горивата на бензинските станици ќе се продаваат со намалена цена од 2 денaра за литар за Еуросупер БС-95 и за Еуросупер БС-98 во однос на малопродажните цени објавени од Регулаторната комисија за енергетика (РКЕ), соопшти АД Макпетрол.