Американскиот министер за финансии Скот Бесент им изјави на новинарите во Вашингтон во среда дека дополнителни санкции од САД против Русија ќе бидат објавени најдоцна до четврток.
Бесент рече дека ова е „значајно зајакнување на санкциите против Русија“.
Овој потег би означил остар пресврт за Белата куќа, која минатата недела се чинеше дека е подготвена да ги одложи новите акции насочени кон Москва. Цените на нафтата продолжија да растат по коментарите на Бесент, зголемувајќи се за повеќе од 2 долари за барел.
Во исто време, земјите од ЕУ го одобрија 19-от пакет санкции против Русија поради нејзината војна против Украина, што вклучува забрана за увоз на руски течен природен гас, соопшти данското ротирачко претседателство со ЕУ во средата вечерта.
Весникот The Wall Street Journal објави во средата дека САД ги укинале ограничувањата за употреба на некои ракети со долг дострел од страна на Украина, обезбедени од западните сојузници, што би му овозможило на Киев да ги засили нападите врз цели во Русија. Такава информација беше всушиност објавена и пред речиси два месеца.
Сепак, американскиот претседател Доналд Трамп го негираше извештајот на WSJ, велејќи дека „САД немаат никаква врска со овие ракети“.
Шведска во среда соопшти дека потпишала писмо за намера за извоз на борбени авиони „Грипен“ во Украина, додека европските влади преземаат чекори за зајакнување на одбраната на Киев во војната што трае веќе три години и осум месеци од целосната руска инвазија и не покажува знаци дека наскоро ќе заврши.
Украинските пилоти беа во Шведска за да го тестираат „Gripen“, робусна и релативно евтина опција во споредба со авиони како што е американскиот F-35.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков