Германската министерка за надворешни работи Аналена Бербок во вторникот го поддржа канцеларот Олаф Шолц, кој одби испраќање германски војници како дел од евентуални мировните сили во Украина.
„Војниците нема да бидат испратени во оваа жешка фаза од војната“, рече Аналена Бербок,која доаѓаод партијата на Зелените во интервју за јавниот радиодифузен сервис ZDF.
Таа, слично како и канцеларот Шолц пред неколку дена, ја окарактеризира дискусијата за испраќање војници како дел од наводни вооружени мировни сили во Украина како „многу прерана“.
„Тоа е типично германска дискусија, зборувајќи за 48-от чекор пред да се направи првиот“, рече Бербок.
Но, во исто време, таа нагласи дека обезбедувањето прекин на огнот во Украина е првенствено задача на Европејците.
„Обезбедувањето мир е европска задача. Одлуките не можат да се носат зад грбот на Европејците“, рече Бербок алудирајќи на тековните разговори меѓу Русија и САД за иднината на Украина.
Германската министерка за надворешни работи реагираше на почетокот на преговорите во Саудиска Арабија без претставници од Украина и европските земји и рече дека Германија не го прифаќа овој пристап. Истовремено, таа нагласи дека е важно да се остане смирен во овој момент.
„Европа мора самосвесно и јасно да ги заштити своите интереси“, рече Бербок.
Политичарката од Зелените, исто така, ја минимизираше важноста на тековните разговори во Ријад, кои, според нејзиното мислење, првенствено служат за воспоставување контакт меѓу Русија и САД.
„Не смееме сега да направиме голема грешка и да му направиме услуга на рускиот претседател Путин давајќи им на овие разговори поголемо значење отколку што имаат“, заклучи Бербок.
Слични новости
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва