Американските царини за Канада, Мексико и Кина ќе стапат на сила во сабота, изјави во петокот портпаролката на Белата куќа, Каролина Ливит.
Агенцијата Reuters претходно објави дека царините ќе бидат одложени до 1-ви март.
Набргу по преземањето на функцијата, американскиот претседател Доналд Трамп објави дека има намера да воведе царини од 25 отсто за Канада и Мексико на 1-ви февруари, доколку не успеат да ја спречат илегалната миграција и шверцот на опиодниот наркотик фентанил. Тој додаде дека планот вклучува и царина од 10 отсто за кинески стоки, исто така поради фентанил, кој е одоговорен за стотина илјади смртни случаи годишно во САД.
Канада ќе одговори веднаш и силно доколку САД ја исполнат заканата за воведување царини, изјави во петокот премиерот Џастин Трудо, предупредувајќи ги Канаѓаните дека може да се соочат со тешки времиња.
„Ние сме подготвени кога станува збор за одговор – целисходен, силен, но во исто време разумен и моментален одговор. Тоа не е она што го сакаме, но ако тој почне да дејствува, ќе го направиме и ние“, рече Трудо.
Пекинг вети дека ќе ги заштити своите „национални интереси“, а портпаролката на Министерството за надворешни работи предупреди дека „нема победници во трговската војна“, додека мексиканската претседателка Клаудија Шејнбаум изрази уверување дека Мексико ќе ги избегне царините.
Американскиот претседател сѐ уште не одлучил кога САД ќе воведат царини за Европската унија, изјави во петокот Ливит. Портпаролоката на Белата куќа одби да одговори дали ќе биде воведена единствена царина за целата Унија, или дали царините ќе се разликуваат меѓу членките на ЕУ.
Слични новости
Волстрит џурнал: Најглупавата трговска војна во историјата
Ова е е самонанесена рана на американската економија. Очекувам зголемување на инфлацијата затоа што нивото на цените ќе порасне кога ќе биде...
Мексико порача дека ќе одговори на царините на Трамп
Мексиканската претседателка Клаудија Шејнбаум нареди воведување царини како одговор на одлуката на САД да воведат царина од 25 отсто за стоките што доаѓаат од Мексико, во услови на избувнување на трговска војна меѓу двете соседни земји
Рубио извршил притисок врз Панама поради кинеското влијание врз Панамскиот канал
Американскиот државен секретар Марко Рубио ја предупреди Панама да преземе итни чекори за да одговори на загриженоста на САД за кинеските компании кои управуваат со пристаништа во близина на каналот, за кои претседателот Доналд Трамп рече дека претставуваат закана за националната безбедност на САД