Преговорите предводени од САД во саудиската престолнина Ријад со делегациите од Украина и од Русија напредуваат добро и наскоро се очекува позитивно соопштение, изјави во понеделникот за Reuters извор од Белата куќа.
„Разговорите коишто ги овозможија техничките тимови на администрацијата на Трамп во Ријад се одвиваат исклучително добро и сите вклучени страни работеа деноноќно. Очекуваме позитивно соопштение во блиска иднина“, рече изворот.
Делегацијата на САД се состана со украинските претставници во Ријад во неделата и со руските претставници во понеделникот. Разговорите главно се фокусираа на прекин на огнот во Црното Море, но Трамп рече дека се појавуваат и други прашања како дел од неговите напори да стави крај на тригодишната руска војна против Украина.
„Во моментов зборуваме за територија. Зборуваме за линии за разграничување. Зборуваме за енергија, сопственост на електрани. Некои луѓе велат дека САД треба да ја поседуваат електраната бидејќи имаме стручност“, рече Трамп.
Од Москва досега немаше никави назнаки за текот на разговорот, со куса потврда дека заедничкото соопштение за исходот и заклучоците со американската делегација ќе биде објавено во вторникот. Руските медиуми од Ријад објавија дека по завршувањето на 12-часовните руско-американски разговори во саудиската престолнина руските претставници биле „добро расположени“.
Американскиот претседател во понеделникот рече дека очекува наскоро да биде потпишан американско-украинскиот договор за поделба на приходите од клучните минерали во Украина. Тој, исто така, на новинарите на состанокот на неговиот кабинет изјави дека САД разговараат со Украина за можноста американските компании да поседуваат украински електрани.
Украинската национална телевизија Суспилне објави дека украинската и американската делегација ќе се сретнат во вторник на разговори кои ќе следат по руско-американските преговори. Телевизијата, повикувајќи се на неименуван извор во украинската делегација, објави дека украинскиот тим ќе остане во Саудиска Арабија уште еден ден за да се сретне со претставници на САД.
Слични новости
Европските челници се договорија за зајакнување на Украина, но не и за „силите за поддршка“
Европските челници ја потврдија својата долгорочна поддршка за Украина на самитот во Париз во четвртокот, но се чини дека постигнале мал напредок во поглед на улогата што би можеле да ја играат во обезбедувањето безбедносни гаранции доколку се постигне мировен договор со Москва
Американското Министерство за здравство и човечки услуги под Кенеди отпушта 10.000 луѓе
Министерството за здравство и човечки услуги на САД во четвртокот објави дека ќе отпушти околу 10.000 вработени со полно работно време и ќе затвори околу половина од своите регионални канцеларии
Европскиот суд побара од српските власти да коментираат за употребата на звучно оружје на протестот
Европскиот суд за човекови права (ЕСЧП) побара од српската влада да даде одговори во врска со наводите дека било употребено звучно оружје против учесниците на масовниот протест во Белград на 15 март, поставувајќи краен рок за одговор до 31 март, а правни експерти укажуваат дека тоа може да влијае на процесот на европска интеграција на Србија