Нема планови за средба „во блиска иднина“ меѓу американскиот претседател Доналд Трамп и рускиот претседател Владимир Путин, изјави во вторникот висок функционер на Белата куќа, неколку дена откако Трамп ја изнесе идејата за уште еден самит со својот руски колега.
Државниот секретар на САД, Марко Рубио, и рускиот министер за надворешни работи, Сергеј Лавров, исто така, немаат планови да се сретнат лично, рече функционерот, нарекувајќи го нивниот телефонски разговор во понеделник „продуктивен“.
Во исто време, двајца американски функционери изјавиле за Reuters дека Русија ги повторила своите претходно наведени услови за постигнување мировен договор со Украина во приватен меморандум испратен до САД за време на викендот, опишан како „нон-пејпер“.
Во писмото се повторува барањето на Русија да ја преземе контролата врз целиот регион Донбас во Украина, рекол неименуван американски функционер, став што е спротивен на ставот на Трамп дека сегашната линија на фронтот треба да биде замрзната.
Кремљ претходно во вторникот соопшти дека датумот на потенцијалниот самит меѓу Путин и Трамп засега не е познат и дека не се споменати никакви датуми.
„Не можеме да одложиме нешто што не е договорено. Ниту претседателот Трамп, ниту претседателот Путин не дадоа точни датуми. Потребна е подготовка, сериозна подготовка“, рече портпаролот на Кремљ, Дмитриј Песков.
Додаде дека Москва во моментов не знае кога би можела да се одржи средбата меѓу двајцата претседатели.
Лавров и Рубио разговараа по телефон во понеделникот откако претседателите Владимир Путин и Доналд Трамп им дадоа задача да го подготват самитот меѓу двајцата челници во Будимпешта.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми