Администрацијата на американскиот претседател Џо Бајден во четвртокот објави нов пакет оружје за Украина, иако количеството и содржината на пакетот не беа откриени.
Портпаролот на Белата куќа, Џон Кирби изјави дека САД ќе продолжат да испраќаат дополнителни пакети помош во оружје за Украина „до крајот на администрацијата на Бајден“.
Вашингтон пред десет дена соопшти дека ќе испрати проектили, муниција, противпешадиски мини и друго оружје во Украина во вредност од 725 милиони долари, додека администрацијата на Џо Бајден во заминување се обидува да го зајакне Киев во војната со Русија пред демократот да ја напушти функцијата во јануари.
Пакетот најавен во четврток, кој се испраќа по принципот на посебните претседателски овластувањаа (PDA) за што поскоро да се донесе оружје од американските залихи до првите линии на фронтот, се очекува да биде во вредност од околу 500 милиони долари и да вклучува муниција за ракетните системи HIMARS.
По овој пакет од четвртокот, околу 5,6 милијарди долари сè уште ќе му бидат достапни на Бајден според системот PDA без да се бара одобрение од Конгресот.
Руската војска зазема село по село на истокот на Украина како дел контуниураните напредувања за заокружување на преостанатите областо од индустрискиот регион Донбас, додека со воздушни удари се нанесуваат штети на индустриската и енергетската инфраструктура на Украина во напорите да се оневозможи фунцкионирањето на воената индустрија.
Слични новости
Марк Карни е новиот лидер на либералите и канадски премиер
Поранешниот гувернер на канадската централна банка, Марк Карни, победи во трката за нов челник на владејачката Либерална партија и ќе го замени Џастин Трудо на функцијата премиер
Спор околу Starlink, Рубио ѝ порача на Полска да биде благодарна
Американскиот државен секретар Марко Рубио во неделата го обвини полскиот министер за надворешни работи Радослав Сикорски дека „измислува работи“ и рече дека е неблагодарен, откако Сикорски рече дека Украина можеби ќе треба да бара алтернатива за сателитската услуга Starlinк
Романија: Централното изборно тело му забрани на крајниот десничар Џорџеску да се кандидира
Централното изборно тело на Романија во неделата му забрани на екстремно десничарскиот проруски кандидат Калин Георгеску да се кандидира на повторените претседателски избори во Романија во мај