Хари Кејн е цел на Барцелона, објави денеска британскиот весник Гардијан. Весникот пишува дека Кејн е првата желба на списокот на Барцелона на местото на Роберт Левандовски кому на крајот од сезоната му истекува договорот и си заминува од клубот.
Барцелона сака да го доведе Хари Кејн од Баерн Минхен една година пред истекување на договорот на Кејн со Баварците.Баерн Минхен има ставено откупна клаузула од 65 милиони евра на договорот за кејн, а Барцелона е подготвена да го плати обештетувањето.
Кејн е пет години помлад од Левандовски, оваа сезона игра одлично во Баерн и се смета дека и натаму е еден од најдобрите центарфори во Европа. Кејн дојде во Баерн во летото 2023 за 95 милиони евра. Досега одигра 113 натпревари за Баерн на кои постигна 108 голови со 29 асистенции.
Слични новости
Атлетик победи во дербито против Атлетико
Во дерби натпреварот од 15-то коло на шпанската Ла Лига, фудбалерите на Атлетик Билбао на својот стадион „Сан Мамес“ во саботата вечерта го победија Атлетико Мадрид со минимални 1:0
Бразил доби тешка група, оцени Анчелоти
Бразил е извлечен во „тешка група“ на Светското првенство во 2026 година, со Мароко, Шкотска и Хаити како негови противници, изјави селекторот на Бразил, Карло Анчелоти, по жрепката во Вашингтон
Шпанија најголем фаворит кај обложувалниците за титулата на мундијалот
Откако беше извршена жрепката за групите на Светското првенство во 2026 година, водечките светски обложувалници ја гледаат Шпанија како најголем фаворит за светската круна