Барселона бара левоног стопер од летото оваа година, а 28-годишниот Пау Торес од англискиот премиерлигаш Астон Вила се споменува како можно решение, објавија шпанските медиуми.
Кога Иниго Мартинез замина во саудиски Ал-Наср ова лето, левиот бек Жерар Мартин застана на позицијата централен бек. Во каталонскиот клуб го сметаат тоа за привремено решение, а досега Нико Шлотербак од Борусија Дортмунд и Марк Гуехи од Кристал Палас се споменуваа како можни засилувања.
Најновите информации велат дека „Блауграна“ е заинтересирана за Пау Торес, кој го носи дресот на Астон Вила од летото 2023 година. Левоногиот Торес е висок 192 см и технички е добро потјован, што е токму она што ѝ е потребно на Барса.
Во Астон Вила е стандарден првотимец и има договор со англискиот клуб до јуни 2028 година. Иако ужива голема доверба кај тренерот Унаи Емери во Астон Вила, шпанските медиуми тврдат дека Торес би бил подготвен да ја слушне понудата од Барселона.
Пред да дојде во Англија, играше за Виљареал и има 24 настапи за шпанската репрезентација.
Слични новости
НБА: Њујорк победник во купот
Кошаркарите на Њујорк Никс се победници на НБА Купот откако ги совладаа Сан Антонио Спарс со 124:113 синоќа во финалето одиграно во Лас Вегас
Куп на кралот: Третолигаш ја намачи Барселона
Третолигашите Елденсе и Гвадалахара им направија проблеми на Реал Сосиедад и Барселона во осминафиналето на Кралскиот куп, но двата тима од Ла Лига се пласираа во осминафиналето
Челзи прв полуфиналист на англискиот Лига куп
Фудбалерите на Челзи станаа првите полуфиналисти на англискиот Лига куп со победата од 3:1 на гостувањето кај Кардиф