Банките ги заоструваат условите за кредитирање на компаниите во еврозоната

Пониските трошоци за задолжување би требало „со текот на времето“ да поттикнат закрепнување на побарувачката, бидејќи зголемените реални приходи им овозможуваат на домаќинствата да трошат повеќе, истакнаа тие во декември, нагласувајќи ги очекуваните повисоки инвестиции и попристапниот кредит.

„Доколку трговските тензии не ескалираат, закрепнувањето треба да го поддржи и извозот“, додаваат тие.

Според нивната проценка, економската активност во еврозоната би требало малку да се забрза во 2025 година, на 1,1 отсто, по проценетиот раст од 0,7 отсто во 2024 година.

Кон крајот на минатата година, банките ги заострија своите критериуми за одобрување заеми на компаниите значително повеќе отколку што очекуваа, со намален праг за толеранција на ризик и заклучок дека слабата економија сè уште претставува значајна закана, според објавеното квартално истражување на ECB во вторник.

Кредитните стандарди се заострија во сите индустрии, особено во комерцијалните недвижности, секторите на големо и мало и градежништвото. Индустриските компании кои трошат многу енергија мора да исполнат и построги барања, откри ECB во истражувањето.

Условите за хипотекарно кредитирање беа повеќе или помалку непроменети од октомври до декември, иако банките во истражувањето спроведено во октомври очекуваа нивно олеснување, исто како и во третиот квартал.

Во првиот квартал од годинава банките очекуваат заострување на условите за кредитирање и за домаќинствата и за компаниите, што укажува на тоа дека растот на кредитирањето ќе остане слаб.

Очекуваат и дека корпоративната побарувачка за кредити во периодот од јануари до март ќе остане на нивото од претходните три месеци, додека кај домаќинствата повторно да зајакне, особено кога станува збор за станбените кредити.