Белгиските политички партии постигнаа договор за влада на широка коалиција доцна во петокот, по речиси осум месеци преговори по изборната победа на фламанската националистичка партија Нова фламанска алијанса (N-VА) извести локалниот медиум VRT News, пренесува Reuters.
Новиот лидер на фламанскиот сојуз, 54-годишниот Барт Де Вевер, се очекува да стане премиер и да ја предводи петпартиската коалиција во која ќе влезат демохристијаните и социјалистите од Фландрија и либералите и центристите од Валонија, од француско говорно подрачје.
Крајно десничарската партија Влаамс Беланг (Фламански интерес) е исклучена од преговорите за формирање влада, и покрај фактот што постигна најголемо зголемување на поддршката на изборите во јуни 2024 година и стана втора по големина политичка партија во Белгија.
Во земјата каде што федералните влади се традиционално коалициски влади, политичките партии постојано одбиваат да соработуваат со партијата Фламански интерес поради нејзиниот притисок за независна Фландрија, антиимигрантските ставови и критиките кон Европската унија.
Коалициските преговори траеја со месеци бидејќи немаше договор за намалување на буџетските расходи, даночна реформа и реформата на пензискиот систем, на што инсистираше Де Вевер со цел да се подобри финансиската состојба во шестата по големина економија во еврозоната.
Слични новости
Гренланд забранува странски донации за политичките партии
Гренланд, кој американскиот претседател Доналд Трамп би сакал да го вклучи во САД поради националната безбедност, има намера да усвои нацрт-закон со кој ќе се забранат странските донации за политичките партии на островот
Оштетувањето на кабелот меѓу Шведска и Латвија не е саботажа
Прекинот на подводниот кабел со оптички влакна меѓу Латвија и Шведска на 26 јануари не е саботажа, објави во понеделникот шведскиот обвинител задолжен за случајот, со што ја поништи заплената на осомничениот брод
Вработените во FBI мора да ги откријат своите улоги во истрагите за нападот на Капитол
Вработените во американското Федерално биро за истраги (FBI) во неделата добиле наредба да одговорат на прашалникот за секоја активност што можеби ги вршеле во однос за кривичните случаи поврзани со упадот на вашингтонски Капитол на 6 јануари 2021 година