Откако го „пензионираше“ дресот со бројот што го носеше Франц Бекенбауер, клупската легенда која почина на почетокот на јануари 2024 година, Баерн Минхен одлучи во иднина да го изложува под покривот на „Алијанц Арена“, објави во вторникот баварскиот клуб.
Ова е првпат клубот од Минхен да го отстрани и изложи дресот на поранешен играч, додека кошаркарскиот дел на Баерн веќе ги „пензионираше“ дресовите со броевите 6 и 24 на иконите Стефен Хаман и Дејмонд Грин.
„Одушевени сме што клубот на овој начин му оддава почит на Франц Бекенбауер на својата Алијанц Арена, откако нашите членови на годишниот генерален состанок одлучија дека неговиот број 5 повеќе нема да се доделува во иднина“, изјави претседателот на клубот од Минхен, Херберт Хајнер.
Посетителите на „Алијанц арената“ од среда навечер, кога се игра првиот осминафинален натпревар од Лигата на шампионите против Баер Леверкузен, ќе можат да го видат овој црвен дрес долг повеќе од 15 метри и широк повеќе од 10 метри, украсен со бројот 5 на Бекенбауер.
Франц Бекенбауер почина на 7 јануари 2024 година и ја одбележа историјата на Баерн Минхен, прво како играч освојувајќи го Купот на европските шампиони три пати во 1974, 1975 и 1976 година.
Како претседател на клубот по неговата играчка кариера, тој силно го поддржа проектот за изградба на Алијанц Арената, неговото материјално наследство, да стане новиот стадион на Баерн од 2005 година. Адресата на стадионот исто така е променета од 1 јануари 2025 година и адресата на Алијанц Арена сега е Трг Франц Бекенбауер 5.
Слични новости
Лига на шампионите: Баерн и Интер ќе се соочат во четврфиналето, Барса и ПСЖ ги чекаат противниците
Фудбалерите на Барселона први се пласираа во четвртфиналето од оваа сезона во Лигата на шампионите, а позната е и првата четвртфинална двојка, меѓусебно ќе играат Баерн и Интер
Германските фудбалски клубови минатата година продадоа рекорден број билети
Германските фудбалски клубови од Првата и Втората дивизија продадоа рекорден број билети за сезоната 2023/24, соопшти Германскиот фудбалски сојуз (DFL)
Бостон ја забележа деветтата последователна победа
Бостон Селтикс ја продолжи победничката серија на девет натпревари откако синоќа на домашен терен ја совлада Јута Џез со 114:108, а Сем Хаузер постигна девет „тројки“ и постигна рекордни 33 поени за победа на домашната екипа