Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници, соопштија во петокот извори запознаени со ова прашање.
Во јули 2024 година, италијанската финансиска полиција заплени околу 121 милион евра од италијанската филијала на „Amazon“ како превентивна мерка, по истрагата на државниот обвинител за можна даночна измама и експлоатација на работници.
Обвинителството во Милано се сомневаше дека „Amazon“ нелегално ги препушта операциите за испорака на подизведувачи за да ги сведе трошоците за трудот на минимум и да плаќа помал данок.
Обвинителството во Милано отвори повеќе од десетина слични истраги, сомневајќи се дека DHL, GLS, „Uber“, „Lidl“, BRT, „Geodis“, „Esselunga“, „Securitalia“, UPS, GS, групацијата „Carrefour“ и GXO, исто така, ја користат оваа практика. Така, на почетокот од јули минатата година, тие запленија 84 милиони евра GXO, според извештајот на италијанската новинска агенција ANSA.
Во наредбата за запленување на 121 милион евра од „Amazon“ се наведува дека компанијата не платила ДДВ, пензиски и здравствени придонеси.
Италијанските власти во соопштението изјавија дека извршиле „сложена даночна измама“ преку „нелегален механизам за фактурирање на „непостоечки работни места, со договори со подизведувачи“.
Механизмот предизвикува значителни загуби за италијанскиот буџет, додека продолжува да ги експлоатира работниците во полза на „Amazon Italia Transport“, се вели во соопштението.
„Аmazon“ сега им платил околу 180 милиони евра на италијанските даночни власти, приклучувајќи се кон групата од околу 30 компании кои решиле слични случаи во последните две години. Вкупниот платен износ изнесува повеќе од милијарда евра, според судски документ во кој увид имал Reuters.
„Ја објаснивме нашата позиција на надлежните органи, кои ги почитуваа високите стандарди на нашиот модел на соработка со партнерите за испорака“, се вели во соопштението на „Amazon“.
Слични новости
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица
Швајцарските компании ги неутрализираат американските царини со селење на производството
Швајцарските компании планираат да преместат дел од своите операции и производство во странство за да го ублажат влијанието на американските царини, според анкета на деловната асоцијација economysuisse