Фудбалерите на Атлетико Мадрид на „Олимпискиот стадион“ во Монжуик ја совладаа Барселона со 2:1 и со оваа победа се искачија на врвот на шпанската Ла Лига со три бода повеќе и натпревар помалку од каталонскиот тим.
Родриго де Пол во 60 и Александар Сорлот во шестата минута од судискоото продолжение на мечот му ја донесоа првата првенствена победа на Диего Симеоне на гостински терен кај Барселона, со головите од два добро изведени контранапади. Барселона поведе во 30. минута со голот на Педри.
Каталонците на овој натпревар ги предводеше Маркус Сорг, помошникот на Ханси Флик, кој го пропушти овој натпревар поради суспензија. Барселона беше исклучително доминантна во посед (62 – 38 отсто), и создаваше прилики, но поради непрецизноста на своите играчи, поради одбраната на капитенот на Атлетико, Јан Облак, домаќините не успеаја да постигнат повеќе од еден гол.
За разлика од нив, тимот на Симеоне дојде до победата со два одлично изведени контранапади. Во 60. минута Родриго де Пол имаше помош од Касадо, невнимателно со петица одлично му ја остави топката на работ од шеснаесетникот, а аргентинскиот играч за врска со прецизен удар го погоди долниот лев агол.
Во последната минута од судиското продолжение сѐ започна со погрешно додавање на Рафиња кон шеснаесетникот на Атлетико и успешно беше избегната офсајд стапицата на домашните. Сорлот прецизно го искористи одличниот центаршут на Молина и му донесе голема победа на својот тим со својот осми лигашки гол.
Ова е веќе трет последователен пораз на Барселона на „Олимпискиот стадион“, од кој пред Атлетико бодови земаа екипите од долниот дел на табелата Лас Палмас и Леганес.
Атлетико Мадрид собра 41 бод на 18 натпревари и новата календарска година ќе ја дочека на врвот на табелата. Барселона има 38 бода од 19 настапи, а Реал Мадрид има 37 бодови на 17 натпревари.
Слични новости
Арсенал се откажа од борбата за титулата
Тренерот на Арсенал Микел Артета кој на вчерашниот напревар со Манчестер Јунајтед по 200 пат водеше екипа во Премиер лигата, нема големи причини за прослава на јубилејот, откако стана јасно дека Арсенал уште една сезона нема да може да стигне до титулата.
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби