Арсенал постигна пет голови на гостувањето кај Кристал палас, Сити продолжува со порази

Екипата на Арсенал го победи Кристал Палас со 5:1 во последниот натпревар од денешната програма во Премиер лигата. Стрелец на два гола беше Габриел Хесус, а по еден гол постигнаа Хаверц, Мартинели и Деклан Рајс.

Со победата Арсенал се искачи на третата позиција на табелата на Премиер лигата со 33 бодови, три бода помалку од лидерот Ливерпул, но и два натпревари повеќе.

Претходно во дербито Астон Вила славеше врз шампионот Манчестер Сити со 2:1. Со оваа победа Астон Вила се искачи на петтото место на табелата, а Манчестер Сити кој се наоѓа во долга низа на слаби резултати падна на шестата позиција.