Арсенал ја задржа својата предност од шест бода во однос на второпласираниот Челзи со убедливата победа над со 4:1 на својот стадион „Емирати“, а домашниот играч од средниот ред Еберевчи Езе постигна три гола.
Леандро Тросар му донесе водство на тимот на Микел Артета во 36. минута а пет минути подоцна Езе го постигна првиот од своите три гола. Само 40 секунди по почетокот на вториот дел, Езе постигна гол за водство од 3:0.
Бразилскиот интернационалец Ричарлисон му даде надеж на Тотенхем со спектакуларен гол во 55. минута, кога од 40 метри со лоб го совлада Давид Раја. Сепак, надежите на гостинските навивачи траеја само до 76. минута, кога Езе постигна трет гол за конечните 4:1.
Со деветтата победа Арсенал дојде до 29 бода. Челзи е втор со 23, додека Манчестер Сити има 22 бода. Тотенхем останува на деветтото место со 18 бода.
Англискиот репрезентативец Морган Роџерс постигна два гола за Астон Вила, која победи со 2:1 на гостински терен кај Лидс Јунајтед во првиот дуел од неделната програма во Премиер лигата.
Лидс поведе во 8. минута со голот на германскиот напаѓач Лукас Нмеча. Сепак, тимот од Бирмингем направи пресврт во второто полувреме. Морган Роџерс го постигна првиот гол во 48. минута а со погодокот во 75. минута, неговиот тим ја освои својата шеста победа во последните седум настапи.
Астон Вила скокна на четвртото место со 21 бод, еден бод зад третопласираниот Манчестер Сити. Лидс Јунајтед падна на 18-то место со 11 бода по нивниот трет последователен пораз.
Манчестер Јунајтед и Евертон ќе го затворат колото во понеделник (21 часот).
Слични новости
Арсенал со победа против Брајтон повторно на 5 бода разлика од Сити
Арсенал продолжи да ги дообива мечевите „кои мора да се добијат“, оние од категоријата „мали мечеви“ на кои всушност се освојуваат титулите. Арсенал го победи Брентфорд на својот стадион со 2:0 и сега води во Премиер лигата со 33 бодови
Пропадна трансферот на Нејмар во Интер Мајами
Медиумите пишуваат дека Дејвид Бекам се откажа од идејата да го доведе Нејмар да игра во Интер Мајами заедно со Лео Меси. Со тоа Нејмар сигурно останува во неговиот клуб Сантос во Бразил до крајот на летото.
Лука Дончиќ прогласен за играч на неделата на Западот
Кошаркарот на Лос Анџелес Лејкерс Лука Дончиќ е прогласен за играч на неделата во Западната конференција на НБА лигата. Тој на три натпревари одиграни неделава имаше просек од 37,3 поени, 10,3 асистенции и 8,7 скока по натпревар.