Селекцијата на Аргентина синоќа во Буенос Аиерес убедливо го совлада Бразил со 4:1 во 14. коло од јужноамериканските квалификации за Светското првенство кое ќе се игра следната година.
Головите за Аргентина, која доминираше во текот на целиот натпревар и можеше да извојува уште поубедлива победа а играше без своите ѕвезди Лионел Меси, Лаутаро Мартинез и Пауло Дибала, ги постигнаа Хулијан Алварез (4), Енцо Фернандез (12), Алексис Мекалистер (37) и Џулијано Симеоне (71). Стрелец на единствениот гол за Бразил беше Матеус Куња во 26. минута.
Во првиот квалификациски натпревар во ноември 2023 година, исто така победи Аргентина со 1:0 на „Маракана“. Бразил не ја победил Аргентина од финалето на Копа Америка во 2019 година (1:0).
Ремито 0:0 на натпреварот што претходно го одиграа Уругвај и Боливија, го запечати местото на Аргентина на Светското првенство во 2026 година, со што стана првата јужноамериканска репрезентација што се квалификувала на светскиот турнир во Северна Америка.
Аргентина е прва на табелата со 31 бод, а Бразил е четврти со 21 бод. Во следното коло од јужноамериканските квалификации, Аргентина ќе гостува кај Чиле, додека Бразил ќе гостува кај Еквадор.
Слични новости
Бетис го доби градското дерби со Севиља, Барселона ја одржува преднос пред Реал
Во последниот неделен натпревар од 29-то коло на шпанското фудбалско првенство, Реал Бетис ја совлада Севиља со 2:1 во градското дерби
Наполи го победи Милан, ја одржа разликата зад Интер
Во дербито од 30. коло на италијанскиот фудбалски шампионат, Наполи го совлада Милан со 2:1, намалувајќи ја разликата зад водечкиот Интер на три бода
ФА Куп: Манчестер Сити последен полуфиналист
Манчестер Сити е последниот тим што стигна до полуфиналето на англискиот ФА Куп, победувајќи со 2:1 на гостувањето кај Борнмаут