Аргентина супериорна против Бразил

Селекцијата на Аргентина синоќа во Буенос Аиерес убедливо го совлада Бразил со 4:1 во 14. коло од јужноамериканските квалификации за Светското првенство кое ќе се игра следната година.

Головите за Аргентина, која доминираше во текот на целиот натпревар и можеше да извојува уште поубедлива победа а играше без своите ѕвезди Лионел Меси, Лаутаро Мартинез и Пауло Дибала, ги постигнаа Хулијан Алварез (4), Енцо Фернандез (12), Алексис Мекалистер (37) и Џулијано Симеоне (71). Стрелец на единствениот гол за Бразил беше Матеус Куња во 26. минута.

 

Во првиот квалификациски натпревар во ноември 2023 година, исто така победи Аргентина со 1:0 на „Маракана“. Бразил не ја победил Аргентина од финалето на Копа Америка во 2019 година (1:0).

Ремито 0:0 на натпреварот што претходно го одиграа Уругвај и Боливија, го запечати местото на Аргентина на Светското првенство во 2026 година, со што стана првата јужноамериканска репрезентација што се квалификувала на светскиот турнир во Северна Америка.

Аргентина е прва на табелата со 31 бод, а Бразил е четврти со 21 бод. Во следното коло од јужноамериканските квалификации, Аргентина ќе гостува кај Чиле, додека Бразил ќе гостува кај Еквадор.

globe

Слични новости

Новак Ѓоковиќ и Јакуб Меншик во финалето на Мастерсот во Мајами

Новак Ѓоковиќ и Јакуб Меншик во финалето на Мастерсот во Мајами

Новак рече дека се радува што во финалето во недела ќе има можност да игра за својата јубилјна 100-та титула во кариерата. „Ќе дадам се од себе и ќе играм како никогаш досега, за да стигнам до стотата титула во кариерата“ порача Ѓоковиќ.

Минесота го победи Феникс во борбата за плеј оф на Западот, Денвер убедлив против ослабената Јута

Минесота го победи Феникс во борбата за плеј оф на Западот, Денвер убедлив против ослабената Јута

Минесота е осма на западот со ист број на победи 42 како седмопласираните Голден Стејт и шестопласираните Клиперс. Шестопласираниот тим на западот во првото коло на плеј офот најверојатно ќе игра против Денвер кој е трети