Претседателот на Европскиот совет Антонио Кошта од денеска е во петдневна турнеја низ Западниот Балкан, а утре ќе биде во посета на Македонија. Кошта посетата на балканските земји ја почнува од Сараево, потоа оди во Тирана, од каде што ќе дојде во Скопје на средба со премиерот Христијан Мицкоски.
Премиерот Мицкоски изјави дека за време на посетата на Кошта на Скопје очекува да разменат повеќе идеи за надминување на пречката за интеграција на државата во Европската Унија од, како што рече, вештачко билатерално барање на една земја членка.
Антонио Кошта на крајот од балканската турнеја ќе копретседава на Самитот ЕУ-Западен Балкан што ќе се одржи во црногорскиот град Тиват.
Слични новости
Ален Берсе, генералниот секретар на Советот на Европа во посета на Македонија
За време на престојот во земјава, генералниот секретар на Советот на Европа ќе се сретне и со највисоките државни претставници, како и со ресорни министри, а планирани се и повеќе активности поврзани со унапредувањето на соработката со оваа меѓународна организација.
Собранието трет пат ќе се обиде да избере член на ДКСК
Собраниската Комисија за прашања на изборите и именувањата денеска ќе спроведе интеврјуа со пријавените кандидати по одлуката за објавување јавен оглас за избор на член на Државната комисија за спречување на корупцијата
Пожарот во Визбегово е сеуште активен
Пожарот што избувна вчера во Визбегово сè уште е активен, но е ставен под контрола, информираат од Центарот за управување со кризи. На терен се ангажирани екипи од Бригадата за противпожарна заштита на Град Скопје, кои работат на негово целосно локализирање.