Претседателот на Европскиот совет Антонио Кошта од денеска е во петдневна турнеја низ Западниот Балкан, а утре ќе биде во посета на Македонија. Кошта посетата на балканските земји ја почнува од Сараево, потоа оди во Тирана, од каде што ќе дојде во Скопје на средба со премиерот Христијан Мицкоски.
Премиерот Мицкоски изјави дека за време на посетата на Кошта на Скопје очекува да разменат повеќе идеи за надминување на пречката за интеграција на државата во Европската Унија од, како што рече, вештачко билатерално барање на една земја членка.
Антонио Кошта на крајот од балканската турнеја ќе копретседава на Самитот ЕУ-Западен Балкан што ќе се одржи во црногорскиот град Тиват.
Слични новости
Апелација ќе ги разгледува жалбите на пресудата за убиствата на Вања Ѓорчевска и Панче Жежовски
На јавна седница во Апелацискиот суд во Скопје денеска треба да бидат разгледани жалбите на пресудата за грабнувањата и убиствата на Вања Ѓорчевска и Панче Жежовски.
Македонија потпиша Рамковната конвенција за вештачка интелигенција
Македонија ја потпиша Рамковната конвенција на Советот на Европа за вештачка интелигенција, првиот меѓународен обврзувачки документ кој воспоставува принципи и стандарди за безбедна, етичка и одговорна примена на вештачката интелигенција.
Советничка на ЗНАМ во Прилеп го напушти мнозинството и ќе дејствува независно
Мирјана Стеваноска, советничка на ЗНАМ во Советот на Општина Прилеп денеска соопшти дека ја напушта владејачката коалиција. Стевановска беше носител на советничката листа на ЗНАМ на последните локални избори.