„Во ек на глобална криза, во периодот од 2019-2021 година, СДС наместо да ги снабдува стоковите резерви, Заев, Филипче и Николовски ги празнеле и препродавале. 2000 тони јачмен и пченица во државна вредност од 800.000 евра биле отпишани од залихите, по насока на истото трио, додека на граѓаните им велеа – сѐ е под контрола“, изјави на прес-конференција во неделата Викторија Андоновска, портпаролка на владејачката ВМРО-ДПМНЕ.
Андоновска посочи дека за да не се забележи кусокот од 2000 тони јачмен и пченица, тие веднаш потоа прават два тендера со една соседна држава за 20.000 тони пченица и јачмен за да ги пополнат дупките во залихите.
„Со овие два тендера, Заев, Филипче и Николовски сметале дека ќе се покријат недостатоците во стоковите резерви, а јавноста истото ќе го заборави. 800.000 евра, пари на граѓаните завршиле во џебовите на Заев, Филипче и Николовски, а 2000 тони јачмен и пченица, на црн пазар во друга држава. И наместо оградување и дистанцирање, СДС и натаму си ги штити своите криминалци. Затоа СДС ќе пропаѓа, гласачите ќе се намалуваат, а членовите ќе им заминуваат“, рече Андоновска.
Претходно во неделата ВМРО-ДПМНЕ во соопштение повија СДСМ да расчисти со актуелниот претседател Венко Филипче и неговиот претходник Зоран Заев, обвинувајќи дека најновиот скандал со отписот на 2.000 тони пченица и јачмен за време на претходната влада, како што велат, ги разобличува скандалите на партијата,
„Се разобличуваат скандалите од времето кога СДСМ беше власт, и сето тоа е показател за структурниот хаос, распаднатите институции и неодговорноста на СДСМ.
Случајот со стоковите резерви е само уште едно потсетување дека институциите под контрола на СДСМ функционирале само како импровизирани конструкции без механизми за одговорност.
Отписот на 2.000 тони пченица и јачмен од стоковите резерви, преку Трајан Димковски, тогашен заменик министер за земјоделство, па потоа истите количини најверојатно завршувале на црниот пазар во соседна држава, алудираат дека ова е организирана злоупотреба од страна на тогашната власт.
И покрај укажувањата дека пченицата постоела и била употреблива, направен е записник што го тврди спротивното, т.е документ со контрадикции, кој сепак е прифатен на владина седница. Тоа значи дека Заев, екс-министерот за земјоделие Николовски и актуелниот претседател на СДСМ во опозиција, Венко Филипче, како дел од тогашната владина структура, формално легитимирале документ што не кореспондирал со фактичката состојба на терен.
А сега Филипче, преку развлечени прес излагања се обидува да се позиционира како опозициски коректив?
Не може некој кој лично учествувал во систем што дозволил вакви пропусти да биде коректив.
Ако СДСМ има намера да се реформира и да стане релевантен политички субјект во земјава, мора да покаже зрелост и да се огради од сите функционери на минатата власт.
Тоа подразбира дистанца од Заев, Николовски, а и од Филипче, бидејќи тоа се фигури кои го спречуваат секој обид за вистински реформи во партијата“, велат од ВМРО-ДПМНЕ.
Претходно ВМРО-ДПМНЕ обвини дека Заев, Венко Филипче иНиколовски дозволиле 2.000 тони пченица и јачмен во вредност близу 800.000 евра од државните стокови резерви да се најдат на црн пазар на една соседна држава
Слични новости
На ГП Дојран и Табановце се чека од 30 до 40 минути, магла на Попова Шапка и Пресека
На граничниот премин „Дојран”, утринава за излез од земјава се чека 30 минути, а на Табановце времето на чекање на излез од земјава е 40 минути. На останатите гранични премини од македонска страна, нема подолги задржувања за влез и излез од државата, информира Авто мото сојузот на Македонија
Роднините на загинатите во „Пулс“: Дали судницата е за рецитирање или за вистината?
Родителите и блиските на загинатите во трагедијата во кочанската дискотека„Пулс“ денеска повторно излегоа на протестен марш во Кочани
Мицкоски: Не добив само реизбор, денес победи идејата за патот што го трасираме за Македонија
Не добив само реизбор како претседател на ВМРО-ДПМНЕ туку денеска победи идејата. Победи патот што го трасираме за Македонија. Честа е голема и обврската и долгот кон доделената задача уште поголема, истакна Христијан Мицкоски откако попладнево на партискиот конгрес што се одржува во Кавадарци беше реизбран за лидер на ВМРО-ДПМНЕ