Англиската фудбалска репрезентација во неделата го потврди пласманот на Светското првенство во 2026 година со победа од 2:0 на гости против Албанија. „Гордиот Албион“ го заврши натпреварувањето со неверојатен настап – со сите осум победи и гол-разлика од 22:0.
Англиската репрезентација, предводена од германскиот стручњак Томас Тухел, не прими гол 720 минути. Англичаните на тој начин станаа првата европска нација што се квалификуваше за Светското првенство без да прими гол во група со најмалку шест натпревари.
Англија, исто така, стана само петтата европска репрезентација што се квалификуваше за Светското првенство со 100 отсто учинок.
Во последното коло, Англичаните во тврдиот натпревар во завршницата од дуелот ги скршија амбцииите на Албанците, а двата погодока ги постигна Хари Кејн во 74. и 82. минута.
На крајот, Албанија заврши втора и ќе бара шанса за пласман на Светското првенство во дополнителните квалификации. Србија ја победи Латвија со 2:1 во последното коло, освојувајќи го третото место, откако пред две кола ја испушти шансата на свој терен против Албанија.
Франција, исто така, го потврди своето учество на Светското првенство со победата над Азербејџан со 3:1 во Баку. Сите најважни работи се случија во првиот дел. Домашната репрезентација поведе во четвртата минута со голот на Ренато Дадашов, Жан-Филип Мате израмни во 17. минута, Мањес Аклиуш го сврти резултатот во 30. минута, а во судиското продолжение Шахрудин Магомедалиев ја затресе сопствената мрежа за конечните 3:1.
Во вториот натпревар, Украина го победи Исланд со 2:0 во Варшава, освојувајќи го второто место, што води во дополнителни квалификации. И бод им беше во игра на Исланѓаните, добро се држеа до самиот крај, но Украинците остварија клучна победа со головите на Олександр Зубков во 83. и Олексиј Гуцуљак во третата минута од судиското продолжение на натпреварот.
Слични новости
Шпанија најголем фаворит кај обложувалниците за титулата на мундијалот
Откако беше извршена жрепката за групите на Светското првенство во 2026 година, водечките светски обложувалници ја гледаат Шпанија како најголем фаворит за светската круна
Преглед НБА: Оклахома продолжува со победите
Оклахома Сити Тандер ја забележаа својата 14-та последователна победа победувајќи ги Далас Маверикс со 132:111 дома
Извлечени групите за Светското првенство 2026
Жрепката за Светското фудбалско првенство во 2026 година во Вашингтон беше спектакл во холивудски стил, експлозија од гламур, црвени теписи и мноштво светски ѕвезди, а Македонија доколку го мине плејофот против Данска а потоа биде подобра и во соочувањето со победникот од дуелот меѓу Чешка и Ирска ќе се најде во групата А