Американскиот мировен план, поддржан од претседателот Доналд Трамп, кој се преговара со Русија и Украина, е „добар за двете страни“, соопшти Белата куќа во четвртокот.
Специјалниот претставник на Трамп, Стив Виткоф, и американскиот државен секретар Марко Рубио, „тивко“ работеа на планот еден месец, изјави портпаролката на Белата куќа, Каролајн Ливит.
„Тој е во тек и се менува, но претседателот го поддржува овој план. Тоа е добар план и за Русија и за Украина и веруваме дека треба да биде прифатлив за двете страни“, додаде Ливит на дневниот брифинг за медиумите во Белата луќа.
„Работиме многу напорно за да го оствариме тоа“, рече таа додавајќи дека Вашингтон „води добри разговори“ со Украина и со Русија за да „разбере на што би се обврзале тие земји“.
Ова е првата официјална потврда од Белата куќа за нацрт-планот за кој украинските претставници претходно изјавија дека Вашингтон му го презентирал на претседателот Володимир Зеленски.
Деталите доставени до франциската агенција AFP од извор запознаен со прашањето покажаа дека тој содржи многу од барањата на Москва, вклучително и откажување од дел од својата територија од страна на Украина и намалување на своите вооружени сили .
Левит одби да даде детали за планот, но рече дека планот ќе биде неповолен за Украина. „Рубио и Виткоф се сретнаа со украински претставници минатата седмица“, додаде таа.
Трамп станува „сè пофрустриран“ од двете страни, но е посветен на завршување на војната, рече таа.
„Знам дека има многу критики, но само би ве потсетила на историскиот успех што Трамп и неговиот тим го постигнаа на Блискиот исток“, рече Ливит, осврнувајќи се на кревкото примирје меѓу Израел и Хамас во Газа.
„Веруваме дека ова е можно со Русија и Украина и работиме многу напорно за да го постигнеме ова“, рече таа.
Слични новости
Оштетени депо и вагони во близина на Киев во напад со руски беспилотни летала
Железничко депо и неколку вагони во близина на Киев беа оштетени во голем руски напад со беспилотни летала и ракети, соопшти украинската државна железничка компанија „Укрзализниција“ во саботата
САД: Укината препораката за вакцинирање на повеќето деца против хепатитис Б
Советниците за вакцини во САД во петокот ја укинаа долгогодишната препорака сите деца во САД да ја примат вакцината против хепатитис Б при раѓање, што претставува голема победа за министерот за здравство и човечки услуги Роберт Ф. Кенеди Џуниор, но експертите за болести стравуваат дека тоа ќе ги поткопа децениите напредок во јавното здравство
Канада ја тргна Сирија од листата земји спонзори на тероризмот
Канада ја отстрани Сирија од својата листа на држави „спонзори на тероризмот“ и ја отстрани исламистичката групација Хајат Тахир ал-Шам, лидерот на бунтовничкиот сојуз што го собори претседателот Башар ал-Асад, од својата листа на терористички организации, објави канадската влада