Американската централна банка Федералните резерви (Federal Reserve – Fed), објави дека 2024 година ја завршила со помала загуба, по рекордниот дефицит во 2023 година, со значително помали каматни трошоци.
Во 2024 година, Fed забележа загуба од 77,5 милијарди долари, речиси една третина помалку од 2023 година, според конечните податоци на централната банка. Во 2022 година забележа нето добивка од 58,8 милијарди долари.
Откако Fed оваа година ја прекина долгогодишната практика на објавување на прелиминарни резултати во јануари, објавениот износ на загубата ѝ овозможи на јавноста првиот увид во официјалната состојба на финансиите на централната банка за целата година, забележува Ројтерс.
Во 2024 година, каматните расходи на Fed беа 68 милијарди долари повисоки од приходите од камати. Сумата е за 36,2 отсто помала од 2023 година, покажуваат податоците.
Расходите за камати минатата година изнесуваа 226,8 милијарди долари, што е за 19,3 отсто помалку од претходната година. Приходите од камати, сепак, се намалени за девет отсто, на 158,8 милијарди долари.
Како дел од своите технички операции за управување со каматните стапки, Fed плаќа камата на депозитите на банките, фондовите на пазарот на пари и други финансиски компании кои ги исполнуваат условите, потсетува Reuters.
Претставниците на Fed нагласија дека загубата не влијае на нивното работење или на креирањето на монетарната политика. Кога работи со загуба, американската централна банка може да создаде пари за финансирање на операциите. Тие можат да ги покријат загубите од позитивните резултати во следните години, а кога ќе ги намалат на нула, парите ги враќаат во државната каса.
Покрај каматите на обврзниците, нејзин извор на приход се и услугите што ги дава на финансискиот систем, потсетува Reuters.
Fed почна агресивно да ги зголемува каматните стапки во пролетта 2022 година за да ја ограничи инфлацијата и ги зголеми до јули 2023 година, од нула на 5,25 на 5,5 отсто. Инфлацијата во меѓувреме ослабе и ФЕД досега ги намали за целосен процентен поен, што исто така ја намали загубата во 2024 година.
Покрај американската Fed, во 2024 година дефицит забележаа и Европската централна банка (ECB) и германската Bundesbank.
Слични новости
Доларот зајакна, нафтата благо поскапе
На девизните пазари вредноста на американскиот долар во однос на кошничката валути благо порасна во средата во претпладневното тргување, втор ден по ред
Благ раст на Волстрит во претпазливото тргување
На Волстрит, берзанските индекси во вторник благо пораснаа втор ден по ред, при што тргувањето е претпазливо бидејќи економските показатели не се многу импресивни
Цените на нафтата стабилизирани околу нивото од 73 долари
Цените на нафтата се стабилизираа во вторник на меѓународните пазари близу 73 долари, балансирајќи меѓу американското објавување царини за купувачите на барели од Венецуела и индициите дека водечките производители се подготвуваат да ја зголемат понудата во мај