Лондонски Арсенал има намера во летниот преоден рок да го ангажира крилото на Баерн, 29-годишниот Лерој Сане, кој ќе биде слободен играч бидејќи неговиот договор со баварскиот клуб истекува во јуни, објавија во петокот британските медиуми.
Сане оваа сезона во сите натпреварувања постигна осум гола и даде четири асистенции, а германскиот клуб засега не покажува интерес за продолжување на неговиот договор. Арсенал има корист и од тоа што тренерот Микел Артета работеше со него додека беше помошник на Пеп Гвардиола во Манчестер Сити.
Новиот спортски директор на „Топчиите“ Андреа Берта, кој беше многу успешен на таа работа во Атлетико Мадрид од 2017 до јануари оваа година, летово ќе има на располагање 360 милиони евра за засилувања.
И додека Лерој Сане може без обештетување да премине во лондонскиот клуб, многу ќе ги чини потписот на двајца играчи од средниот ред, Бразилецот Бруно Гимараеш (27) од Њукасл и Мартин Зубименди (26) од Реал Сосиедад.
Отштетната клаузула за Зубименди е 60 милиони евра, а уште повеќе би можел да ги чини Бруно Гимараеш, чиј договор со „Страчките“ истекува во јуни 2028 година.
Сепак, Арсенал верува дека со доаѓањето на Гимараеш и Зубименди, конечно би имал тим кој може бурно да се искачи на врвот на Премиер лигата и Лигата на шампионите.
Слични новости
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби
Реал Мадрид со победа скока на второто место
Фудбалерите на Реал Мадрид го совладаа Рајо Ваљекано со 2:1 на домашен терен во 27. коло од шпанското првенство и се искачија на второто место на табелата