-Според податоците на Европската агенција за статистика, Евростат и Агенцијата за заштита на границите, Фронтекс, обработени од Гласот на Америка, 8202 албански државјани со нерегуларен престој биле принудени од полициските власти да напуштат земја на Европската унија во текот на 2024 година, објавија албанските медиуми.
Додаваат дека во 2023 година, на 17.425 албански државјани им било наредено да ја напуштат ЕУ, а 7.870 од нив биле ефективно вратени.
Во 2021 година, Фронтекс објави дека насилно биле вратени 5.398 илегални албански мигранти, што бележи зголемување во споредба со претходната, 2020 година, кога биле вратени 4.801 албански државјанин.
-Високите стапки на иселување на Албанците продолжуваат да даваат високи показатели за присилно враќање и неиздавање на дозвола за престој од земјите на Европската унија. Албанските државјани со наредба за протерување и во текот на 2024 година потврдува дека голем број нелегално живееле во една од земјите на Европската унија, стои во анализата.
Албанските државјани патуваат без визи во Европската унија од декември 2010 година, но во случаи на откривање „како незаконски“ од властите на земја од Европската унија, го прекршиле тримесечниот престој во земјите од шенген зоната или извршиле дејствија надвор од визната програма за туристички цели.
Според извештајот на Фронтекс за 2024 година, оваа агенција им помогнала на земјите-членки на Европската унија да вратат 56.262 лица со нерегуларен престој во овие земји, што бележи зголемување од 43 отсто во однос на претходната година.
Во документот исто така се наведува дека Грузијците, Албанците, Турците, Колумбијците и Молдавците се петте главни националности со највисоко присилно или доброволно враќање од европските земји во текот на 2024 година.
Инаку, според прелиминарните податоци на Министерството за внатрешни работи на Албанија, во текот на 2024 година од Велика Британија во земјата биле вратени 1120 албански државјани со нерегуларен престој или осудени за кривични дела, во 25 операции за репатријација извршени преку воздушен транспорт.
Слични новости
Србија: Продолжуваат протестите и блокадите на студентите
Студентите од Србија денеска ги повикаа граѓаните да се соберат на улиците низ сите градови за да ги поддржат нивните барања на стотиот ден од падот на настрешницата во Нови Сад при што загинаа 15 луѓе
Косово излегува на избори, се очекува победа на Курти
Премиерот кој се идентификува како социјалдемократ на власт е од 2021 година, лидер на партијата Ветевендосје (VV – Самоопределување), а неговата влада последниве месеци се фокусираа на укинување на последните паралелни институции финансирани од Белград
Утре парламентарни избори на Косово, денес гласа дијаспората
Утре се одржуваат парламентарни избори во Косово, а денеска гласаат избирачите во дијаспората. Право на глас имаат над два милиони граѓани, од кои над 100 000 гласаат во странство.