По битката за печатот и логото, Сали Бериша сега и официјално е запишан во судскиот регистар како претседател на Демократската партија. Во одлуката на судот се наведува дека „Претседател на Демократската партија на Албанија е господинот Сали Бериша“ и оти одлуката е донесена по „барање на заинтересираниот субјект“.
Со тоа конечно по три години заврши правната битка во судот за судбината на најголемата опозициска партија во земјава.
Бериша и неговите приврзаници во средина на декември 2021 година насилно го зазедоа партиското седиштето, но правото на користење на печатот и логото ги добија на 11 јули годинава, по одлука на Апелацискиот суд.
Недоразбирањата во редовите на партијата почнаа откако Бериша во мај 2022 година од страна на САД беше прогласен за непожелен, по што по барање на тогашната американска амбасадорка Јури Ким, Баша го исклучи од партијата и му ја одзеде титулата почесен претседател.
Потоа почнаа недоразбирањата во партијата која ја преживуваше најдлабоката криза. Сепак поголемиот процент од членството и пратениците се со Бериша.
Баша сега ја предводи групата ДП-евроатлантски демократи и во парламентот има само 7 пратеници, наспроти Бериша кој има 45 пратеници.
Баша, инаку беше најблизок соработник на Бериша, по чиј предлог во 2013 година беше избран за претседател на партијата, откако по поразот на парламентарните избори Бериша се повлече од челната позиција.
Слични новости
Додик: Нема лично да се жалам на пресудата
Претседателот на Република Српска, Милорад Додик изјави дека лично нема да се жали на пресудата со која е осуден на една година затвор и шестгодишна забрана за вршење политичка функција и дека Народното собрание на Република Српска одлучило да го отфрли случајот против него пред Судот на БиХ
Само поштарината за гласањето на албанската дијаспора ќе чини 12,5 милиони евра
Парламентарните избори на 11. мај, Албанија ќе ја чинат повеќе од планираниот износ, посебно поради гласањето на дијаспората, за што поштенските трошоци паѓаат на товар на Централната изборна комисија
Романското обвинителство ги приведе десничарски претседателски кандидат
Романското обвинителство во средата го приведе десничарскиот претседателски кандидат Калин Џорџеску на сослушување како дел од пошироката истрага за поништените избори, соопштија судски извори