Албанија: Демократите тврдат американските републиканци бараат техничка влада во Тирана и дека забраната за Бериша е веќе поништена

Генералниот секретар на албанската опозициска Демократска партија, Фљамур Нока, во гостување на А2 CNN уште повеќе ја надополни перцепцијата на демократите дека администрацијата на американскиот републикански претседател Доналд Трамп ќе ја отстрани мерката „нон грата” за Сали Бериша.

Според него, Унијата на демократите на светот, чиј дел е и Републиканската партија на Трамп, изгласала резолуција со која се осудува режимот на премиерот Еди Рама, се бара формирање техничка влада во Албанија, а за Нока тоа значи дека одлуката за Бериша е неважечка.

Нока се пофали дека Демократсата партија веќе има „најголема“ меѓународна поддршка.

„Унијата на демократските партии на светот усвои резолуција со која го осудува режимот на Еди Рама, кој ја загрозува правдата, а ги осудува и апсењата на опозициското раководство. Оваа резолуција бара формирање техничка влада во нашата земја пред парламентарните избори. Овој сојуз е предводен од Републиканската партија на Трамп. Теоретски падна и одлуката за Бериша -“нон грата”. Ветерот на Трамп дува. Денес сме партија со најголема поддршка од меѓународниот фактор“, изјави Нока.

Тој е убеден во победата на демократите на општите избори што во Албанија ќе се одржат на 11 мај, додавајќи дека ќе освојат над 60 отсто од гласовите.

globe

Слични новости

Вучиќ: Не ми паѓа на памет да бегам од државата и од оние што ѝ прават лошо на Србија

Вучиќ: Не ми паѓа на памет да бегам од државата и од оние што ѝ прават лошо на Србија

Додека сум жив, ќе живеам во Србија…. Се борев за Србија и ја претставував на најдобар можен начин. Ја подигнав до тие граници да не можат да ме надминат во она што го направив, вели меѓу другото српскиот претседател