На територијата на државата во текот на изминатото деноноќие до 07:30 часот се регистрирани вкупно 29 пожари на отворен простор, од кои три се активни, еден е ставен под контрола, а 25 се изгаснати – соопшти Центарот за управување со кризи (ЦУК).
Според информациите на ЦУК, активен е пожарот на подрачјето на општините Студеничани и Зелениково, на потегот од селата Моране, Вртекица и Рамни Габер кон Палиград, како и над селото Вражале, каде е зафатена мешана шума.
Активен пожар има и во гостиварското село Трново, каде гори мешана шума, како и над селото Нежилово во Општина Чашка, каде се зафатени смреки.
Под контрола е ставен пожарот кај кичевското село Тајмиште, на месноста Дарда, каде горела високостеблеста букова шума.
Во текот на изминатото деноноќие изгаснати се 25 пожари на различни локации низ државата.
Слични новости
Една минимална плата одвај ги покрива трошоците за храна и пијалаци во месецот
Според анализата на ССМ, на едно четиричлено семејство за да преживее му се потребни над 70 илјади денари и во однос на септември трошоците се зголемена за над 900 денари.
Мицкоски: Писмениот правосуден испит на јазикот на кој е завршено образованието, усниот на македонски јазик
Премиерот денеска нагласи дека никој не го спори правото високото образование да се заврши на мајчин јазик и додаде дека на правните факултети, студиите можат да се завршат на три јазици различни од македонскиот јазик. Но кога се зборува за правосуниот систем има принцип на „франка линва“.
Кривична пријава против Јани Макрадули-како генерален директор на „Пошти“
Според пријавата, во периодот од 2021 до 2022 година тој не постапил по одлуки на Управниот одбор за исплата на обврски кон два правни субјекта во вкупен износ од 19,3 милиони денари, иако му била доставена потребната документација.