Агенцијата за електронски комуникации денеска ќе му издаде одобрение на „ОНЕ Македонија телекомуникации“ – унгарски „Фор-ај-џи“, за работа како трет мобилен оператор во државата.
Компанијата ја уплати целосната сума за трите радиофреквенциски опсези, вкупно 8 милиони евра, и може да почне со работа, користејќи пристап преку мрежите на постојните оператори додека ја гради својата инфраструктура.
Сопственикот на „Фор-ај-џи“ најави инвестиција од над 100 милиони евра во развој на третиот мобилен оператор.
Новиот оператор треба да покрие еден град со 5G до крајот на март 2027 година, главните коридори до 2028, сите градови до 2030 година, а пристап до 5G за сите граѓани до 2032 година со минимална брзина од 100 Mbps.
Процесот за воведување трет мобилен оператор почна минатата година, а единствен квалификуван понудувач на тендерот за радиофреквенции беше „ОНЕ Македонија телекомуникации“.
Слични новости
Народна Банка ја задржа основната каматна стапка на ниво од 4%
Одлуката за каматната стапка се носи во услови на зголемена светска неизвесност поради воениот конфликт на Блискиот Исток, кој веќе влијае врз цените на енергенсите и снабдувањето со нафта.
Од полноќ нови цени на горивата по одлуката на владата за намалување на ДДВ од 18 на 10 насто
Владата на вонредна седница донесе одлука да се намали данокот на додадена вредност (ДДВ) на бензините и дизел горивото од 18 отсто на 10 отсто.
Со тоа владата очекува цената на бензините да остане иста односно непроменета, а цената на дизелот да се зголеми околу 3,5 денари по литар
Фонд за здравство: Голем број полицајци отвориле лажни боледувања
Бројни неправилности утврдиле контролите на ФЗО во Министерството за внатрешни работи. Се проверувале 80 службеници во МВР кои имале отворено вкупно 514 боледувања.