Мемоарите на поранешната германска канцеларка Ангела Меркел доживуваат „сензационална“ продажба, соопшти нејзиниот издавач во саботата, два месеца по објавувањето на книгата.
„Сè уште продаваме околу 12.000 примероци седмично, што е сензационално“, вели Керстин Глеба од издавачката куќа „Kiepenheuer & Witsch“.
Во автобиографијата насловена „Слобода: Мемоари 1954 – 2021 година“, првата германска канцеларка во историјата на земјата на 736 страници ги изложи своите размислувања за животот и нејзините 16 години на функција.
Изданието со тврд повез, кое е преведено на англиски и на други јазици, чини високо 42 евра. Околу една третина од читателите се под 40 години, објави издавачот, а многу млади присуствуваат и на организираните потпишувања на примероците.
„Беше многу важно за нас и за авторот да допреме до младата публика. Мислам дека книгата може да им понуди нешто и на луѓето кои не се толку запознаени со политичката сцена, поради посебната животна приказна на Ангела Меркел“, додаде Глеба.
Рече и дека 600.000 примероци од книгата биле продадени во Германија до католички Божик, додека 40.000 биле продадени во Велика Британија во првите неколку седмици од продажбата и уште 25.000 во САД.
Слични новости
Бијонсе и Тејлор Свифт го потврдија своето присуство на доделувањето на Греми наградите
Церемонијата која ќе се одржи во Лос Анџелес во неделата навечер, ќе трае цели осум часа, привлекувајќи ги најголемите ѕвезди на рокот, попот, кантри музиката и хип-хопот.
Тејлор Свифт ќе врачи една од наградите на 67 доделување на Греми наградите во недела
Здружението не соопшти која од наградите ќе ја додели Тејлор Свифт која и самата е номинирана за главната награда на вечерта албум на годината за албумот „The Torture Poets Department“.
Во Лос Анџелес одржан добротворен концерт ФајерАид за помош во настраданите од пожарот
Концертот во Киа Форумот го отвори славниот бенд Green day, а фронтемнот на бендот порача дека се сите заедно со Алтадена и Палисејдс областите во Лос Анџелес што беа најмногу погодени во пожарот.