Мемоарите на поранешната германска канцеларка Ангела Меркел доживуваат „сензационална“ продажба, соопшти нејзиниот издавач во саботата, два месеца по објавувањето на книгата.
„Сè уште продаваме околу 12.000 примероци седмично, што е сензационално“, вели Керстин Глеба од издавачката куќа „Kiepenheuer & Witsch“.
Во автобиографијата насловена „Слобода: Мемоари 1954 – 2021 година“, првата германска канцеларка во историјата на земјата на 736 страници ги изложи своите размислувања за животот и нејзините 16 години на функција.
Изданието со тврд повез, кое е преведено на англиски и на други јазици, чини високо 42 евра. Околу една третина од читателите се под 40 години, објави издавачот, а многу млади присуствуваат и на организираните потпишувања на примероците.
„Беше многу важно за нас и за авторот да допреме до младата публика. Мислам дека книгата може да им понуди нешто и на луѓето кои не се толку запознаени со политичката сцена, поради посебната животна приказна на Ангела Меркел“, додаде Глеба.
Рече и дека 600.000 примероци од книгата биле продадени во Германија до католички Божик, додека 40.000 биле продадени во Велика Британија во првите неколку седмици од продажбата и уште 25.000 во САД.
Слични новости
Кесичките со чај ослободуваат микропластика
Научниците од Шпанија пронајдоа траги од микропластика што влегуваат во човечките клетки откако ќе ги натопат кесичките со чај во вода
Квентин Тарантино пишува театарска драма
Тој се откажа од натамошно снимање филмови, но сепак рече дека доколку претставата биде голем хит, би можел да ја екранизира на филмското платно и дека тоа би бил неговиот последен филм што ќе го сними.
Првата дама на САД доби официјален портрет
Официјалниот портрет на првата дама на САД, Меланија Трамп беше објавен во понеделникот, на кој таа позира потпрена на маса во Белата куќа