Австриската крајнодесничарска Партија на слободата (FPÖ) во средата објави дека пропаднале преговорите за формирање владејачка коалиција со конзервативната Народна партија (ÖVP).
Разговорите со денови се водеа во несигурна атмосфера, бидејќи и двете партии се обидуваа да ги наметнат сопствените ставови по низа прашања, од надворешната политика до распределбата на министерствата.
Поминаа повеќе од 130 дена од парламентарните избори во Австрија во септември без формирање влада, што е рекорд за земјата. Крајно десничарската партија на изборите во септември освои околу 29 отсто од гласовите, а анкетите покажуваат дека оттогаш нејзината популарност пораснала и дека побегнала за 10 процентни поени од ÖVP и социјалдемократите.
Претседателот Александар Ван дер Белен, по обидите да се состави влада без крајната десница, беше принуден во јануари да го задолжи Херберт Кикл, лидер на антиимигрантската и евроскептична партија FPÖ, да формира влада откако партијата постигна релативна победа на изборите во септември.
Ако беше постигнат договор за коалиција, Кикл ќе беше првиот австралиски канцелар кој додаѓа од редовите на крајната десница.
Кикл го информираше во средата претседателот дека преговорите се прекинати и го врати мандатот за формирање влада, објави неговата партија. Иако FPÖ му излезе пресрет на ÖVP во многу точки, „на наше жалење, преговорите на крајот не беа крунисани со успех“, рече Кикл во писмото до Ван дер Белен.
Слични новости
Трамп најави разговор со Путин во вторник
Американскиот претседател Доналд Трамп најави дека во вторник ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва
Трамп и Путин ќе разговараат за Украина во наредните денови, според американскиот претставник Виткоф
Американскиот претседател Доналд Трамп и неговиот руски колега по должност Владимир Путин се очекува да разговараат во наредните денови, објави во неделата американскиот специјален пратеник за Украина и Русија, Стив Виткоф, додека САД вршат притисок врз Русија да се согласи на прекин на огнот со Украина
САД депортираа стотици осомничени припадници на венецуелска банда
Соединетите држави депортираа стотици наводни членови на венецуелската банда Трен де Арагуа користејќи го Законот за странски непријатели од 1798 година, кој сега е блокиран, изјави мериканскиот државен секретар Марко Рубио