Патот за трипартиска коалиција на Народната партија, социјалдемократите и либералите во Австрија е отворен откако партиската база на либералната партија Neos на референдум во неделата одобри влез на нивната партија во коалициската влада.
„94,1 отсто од членовите на Neos кои гласаа гласаа за партијата да влезе во коалиција со Народната партија и социјалдемократите“, соопшти раководството на партијата Неос по референдумот, кој се спроведе дигитално.
Претседателката на партијата и најверојатно иден австриски министер за надворешни работи Беате Мајнл-Рајзингер им се заблагодари на членовите на партијата за нивната поддршка за планот за приклучување кон коалицијата.
„Ова е навистина историски момент“, рече Мајнл-Рајзингер.
Австриската народна партија (ÖVP), Социјалдемократската партија на Австрија (SPÖ) и либералниот Neos пред неколку дена претставија коалициски договор.
Новата влада, која ќе ја предводи лидерот на ÖVP, Кристијан Штокер, планира построги закони за миграција, поповолна даночна политика за просечните граѓани и најавува континуитет во надворешната политика и политиката на ЕУ, што вклучува континуирана поддршка за Украина во одбраната од руската агресија.
ÖVP, SPÖ и Neos веќе преговараа за коалиција по изборите во септември, но преговорите пропаднаа во февруари поради несогласувањата меѓу SPÖ и Neos. Но, имајќи предвид дека анкетите покажуваат дека доколку се одржат повторни избори крајната десница ќе оствари уште подобри резулатит, овие партии сепак се согласија да создадат влада.
Потоа, мандатот за формирање влада го доби десничарската Партија на слободата на Австрија (FPÖ), која освои најмногу гласови на изборите во септември. FPÖ преговараше со ÖVP, но и овие преговори пропаднаа поради несогласувања околу поделбата на надлежностите.
Потоа, австрискиот претседател Александр ван дер Белен ги повика ÖVP, SPÖ и Neos повторно да седнат на преговарачка маса и да покажат поголема волја за компромис. Новата влада во понеделник треба да положи заклетва во парламентот.
Слични новости
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство
Зеленски пристигна во Саудиска Арабија пред средбата со Американците
Украинскиот претседател Володимир Зеленски во понеделникот слета во Саудиска Арабија на средба со престолонаследникот Мохамед бин Салман, ден пред разговорите меѓу украинските и американските претставници дека Вашингтон ги полага своите надежи за ставање крај на војната со Русија